बुटवल,पुस २१ - 

रुपन्देहीमा मिडिया कप फुटसल प्रतियोगिता हुने भएको छ । ग्लोबल मिडिया ग्रुप अन्तर्गत ग्लोबल सञ्चार गृहद्वारा सञ्चालित ग्लोबल आवाजडट कमको आयोजनामा माघ ३ गते ‘प्रथम टेन स्टिल मिडिया कप फुटसल प्रतियोगिता –२०७७’ हुने भएको हो ।

प्रतियोगितालाई टेन स्टिल प्रा.लि.ले मुख्य प्रायोजन गरेको मंगलबार पत्रकार सम्मेलन गरि ग्रुपका प्रबन्ध निर्देशक गौतम भूसालले सबै तयारी पुरा भएको जानकारी दिए ।

 प्रतियोगिताको उपाधि विजेताले नगद १५ हजार, कप, मेडल, प्रमाणपत्र तथा उपविजेताले नगद १० हजार, कप, मेडल, प्रमाणपत्रबाट पुरस्कृत गरिने उनले बताए । यसैगरि विधागत रुपमा समेत उत्कृष्ट खेलाडीलाई नगद सहित पुरस्कृत गरिने उनले बताए । प्रतियोगिता सम्पन्न गर्न करीब ४ लाख खर्च हुने उनले बताए ।

प्रतियोगिता कार्यक्रम संयोजक डि.बी. सुस्लिङले प्रतियोगितामा जिल्लाका २० विभिन्न मिडिया हाउसका पत्रकारहरुको टिमले भाग लिने बताए । 

हाईलाईफ फुड प्रालिका संचालक पंकज ज्ञवाली, रोटरी क्लब अफ रुपन्देहीका निवतर्मान अध्यक्ष सुरज खत्रीले सधै अरुको विषय उठाउने पत्रकारहरु पनि मनोरन्जन र खेलकुदमा आवद्ध हुनुपर्ने सुझाव दिए । 

ग्लोबल आवाजका सम्पादक एनबि कंडेलले संचार क्षेत्र सामाजिक उत्तरदायित्व अन्तरगत रचनात्मक कार्यक्रम भएको बताए । निरन्तरता दिने गरि अघि बढाएको उनले बताए।

प्रतियोगिताको राज्य टेलिभिजनबाट प्रत्यक्ष प्रशारण हुने छ । प्रतियोगिताका बैकिङ पार्टनर साईन रेसुङ्गा बैक तथा न्युज पेपर पार्टनर बुटवलटुडे दैनिक रहेको छ। कार्यक्रमको संचालन पत्रकार सञ्जु पौडेलले गरेकी थिइन् ।

नागरिक अनलाइन

लेखकबाट थप

• मंगलवार, पौष २१ २०७७०४:३६:५३

• Tags:

  # फुटसल

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा