बुटवल,फागुन १५ ।

४२ औँ मगर एकता दिवस आज रूपन्देहीको बुटवलसहित देशभर विभिन्न कार्यक्रम गरि मनाइएको छ ।दिवसको अवसरमा आज बुटवलमा मगर समुदायको भेषभुषासहितको सांस्कृतिक झाकी प्रदर्शन गरिएको छ ।

नेपाल मगर संघ बुटवल उपमहानगर समितिका अगुवाइमा बुटवलको राजमार्ग चाराह स्थित लखन चोकबाट शुरू भएको झाकी मिलन चाक बसपार्क,अस्पताललाईन,ट्राफिक चोक,सुख्खानगर,दिपनगर हुदै हिलपार्कमा पुगेर सभामा परिणत भएको थियो ।हजारौं मगर समुदायको सहभागीता रहेको झाकीसहितको र्याली शक्ति प्रदर्शनको झल्को दिने खालको थियो ।

२०३९ साल फागुन १५ गते स्वर्गीय हेमबहादुर पुनको अध्यक्षतामा तनहुँमा नेपाल लाङ्घाली परिवार संघको प्रथम अधिवेशन भएको थियो । त्यसैको सम्झनामा मगर संघ र सम्बन्धित संघ–संस्थाले एकता दिवसको रुपमा मनाउँदै आएका छन् ।दिवसको अवसरमा आज विभिन्न पालिकाले स्थानीय बिदा दिएका छन् ।

पाल्पाका सबै पालिकामा आज स्थानीय बिदा छ ।नवलपरासी (बर्दघाट सुस्तापूर्व)का विभिन्न ठाउँमा पनि सांस्कृतिक झाँकी प्रदर्शनलगायतका कार्यक्रम हुँदैछन् । बर्दघाट सुस्तापूर्वका आठवटै पालिकामा बिदा छ ।अर्घाखाँचीको शितगंगा नगरपालिकाले पनि आज बिदा दिएको थियो ।

नागरिक अनलाइन

लेखकबाट थप

• मंगलवार, फाल्गुण १५ २०८००७:१८:१३

• Tags:

  # राष्ट्रिय मगर एकता दिवस

• एमाले रूपन्देही जिल्ला कमिटी सचिवालय सदस्य नकुल शाहीले छाडे पार्टी

• होटल पौवाद्वारा प्रधानमन्त्री दैवी प्रकोप उद्धार कोषमा ११ लाख रुपैयाँ सहयोग

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग