बुटवल,माघ ११ ।

बुटवल कालिकापथमा रहेका डिभाइडरले दुर्घटना बढाएपछि हटाइएको छ ।  तिनकुने – होराइजनचोक र योगिकुटीमा रहेका अव्यवस्थित डिभाइडरलाई नेपाल तरुण दल र नेपाल विद्यार्थी संघ रुपन्देहीको अगुवाईमा हटाइएको हाे ।नेपाल तरुण दल रुपन्देहीका कार्यवाहक अध्यक्ष प्रसान्त कोइरालाको नेतृत्वमा डिभाइडरहरु हटाइएको हो । बुटवल उपमहानगरपालिकालाई बाराम्बार अनुरोध गरेतापनी कुनै सुनुवाई नभएपछी उक्त डिभाईडर हटाइएको कोइरालाले बताउनुभयो ।

उहाँले सडक बत्ती , छाडाचौपायको व्यवस्थापन भएपछी पुन बुटवल उपमहानगरपालिकालाई सहयोग गरि व्यवस्थापनमा तरुण दल अग्रसर रहने बताउनुभयो । साथै उहाँले डिभाईडरहरु हटाएपछी दुर्घटना न्यूनीकरण हुनेछ भन्ने अपेक्षा गरेको बताउनुभयो ।डिभाइडर हटाएपछी तिनकुनेमा कोण सभा गरि तरुण दल तथा विद्यार्थीलाई सहयोग गरि सभ्य र असल समाज बनाउन लागेका जागरुप युवाहरुलाई कोइरालाले धन्यवाद ज्ञापन गर्नुभएको थियो ।

कार्यक्रमको सञ्चालन नेविसंघ केन्द्रीय सदस्य बालाराम पौडेलले गर्नुभएको थियो भने कार्यक्रममा नेवीसंघ रुपन्देहीका सभापति सन्दिप पाण्डे , तरुण दल क्षेत्रीय सभापती हसन्त लामा लगायत तरुण तथा युवा विद्यार्थीहरुको सहभागिता रहेको थियो ।

नागरिक अनलाइन

लेखकबाट थप

• बिहिवार, माघ ११ २०८००१:२६:१४

• Tags:

  # डिभाइडर

• १ करोड २६ लाख लगानीमा कुञ्जपार्क म्युजिकल वाटर फाउन्टेन विथ लेजर लाइट

• एनपिएल शुरू, लुम्बिनी लायन्सको सानदार प्रदर्शन सुदूरपश्चिम सात विकेटले पराजित

• बुटवलको देवीनगरमा र नयाँगाउंमा सरांय नाच सम्पन्न

• बुटवलको जितगढीस्थित दुर्गा मन्दिरमा १३औँ सरायँ नाच

• खेतिकिसानीमा ब्यस्त रूपन्देहीका किसान (फोटोफिचर)