बुटवल,फागुन १२ ।

मानव अधिकार तथा शान्ति समाजले रुपन्देहीको बुटवलमा प्रदर्शन गरेको छ ।

रुस-युक्रेनको युद्ध शुरू भएको १ वर्ष भैसकेको र अझै सम्म पनि युद्ध ‌अन्त्य हुने अवस्था नदेखिएकोले दुवै देशलाई तत्काल युद्ध रोक्न आग्रह एवं दवाव सिर्जना गर्न शान्ति समाजले बिरोध प्रदर्शन गरेको हो ।

समाजको देशब्यापी कार्यक्रम अन्तर्गत रुपन्देही शाखाले कार्यक्रम गरेको शाखा सभापति कृष्ण भट्टराइले बताउनुभयो ।

सो अवसरमा आधा घण्टा प्ले कार्ड प्रदर्शन गरिएको थियो । रुस : युक्रेनबाट तत्काल सैनिक फिर्ता गरि युद्ध अन्त्य गर,युद्ध निषेध : शान्ति विशेष,रुस : युद्ध रोक, शान्ति प्रवद्र्धन गर,रुस : युक्रेनमाथि आक्रमण बन्द गर लेखेका प्ले कार्ड प्रदर्शनपछिको कोणसभामा बोल्दै समाजका केन्द्रिय सल्लाहकार तथा निर्तमान सभापति गोबिन्द खनालले रुस-युक्रेनको युद्ध रोकिनुपर्ने र यसमा संयुक्त राष्ट्रसंघको सकारात्मक भूमिका देखिनुपर्ने बताउनुभयो ।

उहाँले युद्धले अर्बौ अर्बौँ संरचना ध्वस्त पारेको  र विश्व समाजनै तहसनहस पारेको बताउनुभयो ।कार्यक्रममा केन्द्रिय सदस्य डिपि खनालले रुस-युक्रेनको युद्ध रोकिनुपर्ने धारणा राख्नुभयो ।

जिल्लाका पूर्व सभापति कृष्णप्रसाद पराजुली,जिल्लाका उपसभापति कपिल ज्ञवाली,सचिव कृष्ण पाण्डे लगायतले बोल्दै रुस -युक्रेन देशलाई तत्काल युद्ध रोक्न आग्रह गरे ।

नागरिक अनलाइन

लेखकबाट थप

• शुक्रवार, फाल्गुण १२ २०७९१०:२६:२२

• Tags:

  # मानव अधिकार तथा शान्ति समाज # मानव अधिकार तथा शान्ति समाज रुपन्देही # रुस-युक्रेन

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा