बुटवल, फागुन ४ ।

नेपाली कांग्रेसका नेता डा.चन्द्र भण्डारीको मुम्बईस्थित नेशनल स्किन बर्न सेन्टरमा उपचार शुरु भएको छ । उनको अवस्था खतरामुक्त भएको चिकित्सकहरूले बताएका छन् ।

गएराति खाना पकाउने ग्याँस सिलिण्डर विस्फोट भइ घाइते भएका भण्डारीको स्वास्थ्य अवस्था खतरामुक्त रहेको चिकित्सकले बताएको उनका सहयोगी माधव न्यौपानेले जानकारी दिए । उनले भने, ‘नेपालबाट ल्याउँदा अवस्था स्थिर थियो यहाँ आएपछि चिकित्सकले प्रारम्भिक परीक्षण गरेपछि खतरामुक्त रहेको बताउनुभएको छ ।’ न्यौपाने भण्डारीसँगै मुम्बइ गएका छन् । 

भण्डारीको भोलि दुई वटा शल्यक्रिया गर्नुपर्ने चिकित्सकले बताएको न्यौपानेले जानकारी दिए । 

भण्डारीको यसअघि कीर्तिपुरस्थित कीर्तिपुर बर्न अस्पतालमा उपचार गरिएको थियो । अस्पतालले आज विज्ञप्ति जारी गरी उपलब्ध साधन र स्रोतबाट उनको यथोचित उपचार नेपालमा सहज नहुने देखिएकाले देश बाहिरका सुविधा सम्पन्न स्वास्थ्य संस्थामा यथाशीघ्र स्थानान्तरण गरेको हो ।

आफ्नो निवासमा ग्यास सिलिण्डर विस्फोट हुँदा सांसद डा भण्डारीसहित उनकी आमा हरिकला भण्डारी घाइते भएका थिए ।  आमा हरिकलाको भने उपचारका क्रममा बिहान निधन भएको छ ।

• रहिनन् सांसद डा. चन्द्र भण्डारीकी आमा हरिकला

• सिलिण्डर विस्फोटबाट घाइते डा.चन्द्र भण्डारीलाई थप उपचारका लागि भारत लगियो

नागरिक अनलाइन

लेखकबाट थप

• बिहिवार, फाल्गुण ४ २०७९१०:३८:०४

• Tags:

  # खतरामुक्त

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा