बुटवल,फागुन ४ ।

बुधबार राति एलपीजी ग्यास सिलिण्डर विस्फोटबाट घाइते हुनुभएका नेपाली कांग्रेस नेता एवम् प्रतिनिधि सभा सदस्य डा. चन्द्र भण्डारीलाई थप उपचारका लागि भारत लगिएको छ ।

बिहीबार दिउँसो श्री एयरलाइन्सको एयर एम्बुलेन्समार्फत भारतको मुम्बईस्थित नेशनल स्किन बर्न अस्पतालमा उपचारका लागि लगिएको हो । अन्तर्राष्ट्रिय विमानस्थलका अधिकारीका अनुसार दिउँसो सवा ३ बजे तिर विमान उडेको थियो । कीर्तिपुरबाट उहाँलाई त्रिभुवन अन्तर्राष्ट्रिय विमानस्थलतर्फ लगिएको नेपाली कांग्रेसका नेताद्वय गोविन्द भट्टराई र कल्याण गुरुङले जानकारी दिनुभयो । उहाँको नेपालमा यथोचित उपचार सम्भव नभएपछि त्यसतर्फ लगिएको हो ।

छ जना चिकित्सकको टोली पनि उहाँसँगै गएको स्वास्थ्य मन्त्रालयको सचिवालयले जनाएको छ । चिकित्सकको टोलीमा डा. प्रदीप तिवारी, डा. वृहस्पति, डा. प्रदीप शर्मा, डा. रोशन शर्मा, दिनेश राई, सागर महर्जन र राज तामाङ हुनुहुन्छ । गएराति घाइते हुनुभएका नेता डा. भण्डारीको कीर्तिपुरस्थित कीर्तिपुर बर्न अस्पतालमा उपचार भएको थियो । सिलिण्डर विस्फोटबाट घाइते उहाँको माता हरिकला भण्डारीको उपचारकोक्रममा आज बिहान निधन भएको छ ।

नागरिक अनलाइन

लेखकबाट थप

• बिहिवार, फाल्गुण ४ २०७९०७:५०:३६

• Tags:

  # डा.चन्द्र भण्डारी # सिलिण्डर विस्फोट

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा