बुधवार, आषाढ ८ २०७९

बुटवल नगरले स्व.सूर्य प्रसाद प्रधानको स्मृतिमा विकास पत्रकारिता पुरस्कार स्थापना गर्ने

नागरिक अनलाइन

2.4K

बुटवल नगरले स्व.सूर्य प्रसाद प्रधानको स्मृतिमा विकास पत्रकारिता पुरस्कार स्थापना गर्ने

बुटवल,असार ८ ।

बुटवल उपमहानगरपालिकाले स्व.सूर्य प्रसाद प्रधानको स्मृतिमा विकास पत्रकारिता पुरस्कार स्थापना गर्ने भएको छ । नगरका पूर्व मेयर समेत रहेका कांग्रेस नेता प्रधानको स्मृतिमा विकास पत्रकारिता पुरस्कार स्थापना गरिने आर्थिक वर्ष २०७९-०८० को नीति तथा कार्यक्रममा सार्वजनिक गरिएको हो ।

बुधबार नगरसभाको एघारौं अधिवेशनमा नगरप्रमुख खेलराज पाण्डेयले त्यसबाहेक वन, वातावरणको प्रवद्र्धन पत्रकारिता पुरस्कार, ज्येष्ठ पत्रकार सम्मान पुरस्कार, आर्थिक पत्रकारिता पुरस्कार स्थापना गरिने र पत्रकारिता, अनुसन्धान केन्द्र स्थापनाका लागि आवश्यक पहल गरिने समेत घोषणा गरे । butwan nagarpalika.jpg

उनले ल्याएकाे नीतिमा सूचना सञ्चार तर्फ भने संचार नीति तर्जुमा गरी लागू गरिने,मिडिया हाउस संचालन गर्न सहयोग गरिने ,पत्रकार प्रोत्साहन उपकरण खरिदमा निश्चित प्रतिशत रकम अनुदान उपलब्ध गराइने र पत्रकार स्वास्थ्य वीमा कार्यक्रम संचालन गरिने उल्लेख छ ।

नीतिमा सूचना तथा सञ्चार प्रविधिको प्रयोगबाट सेवा संचालनलाई व्यवस्थित गरिने,आन्तरिक नेटवर्क व्यवस्थापन गरिने,CC camera बाट Real Time Surveillance गरिने र विद्युतीय सुशासन कायम गर्नका लागि नीति निर्माण गरी कार्यान्वयन गरिने भनिएको छ । यस्तै पालिकाबाट प्रदान गरिने सेवाहरुलाई सूचना तथा संचार प्रविधिको माध्यमबाट प्रदान गर्न कार्य योजना बनाईने उल्लेख छ । butwal nagar sava khelraj pandey.jpg