बुटवल,बैसाख ८।

सत्तारुढ गठबन्धनले सातै प्रदेशमा चुनावी सभा गर्ने भएको छ । वैशाख १८ देखि २२ गतेसम्म सातै प्रदेशमा गठबन्धनले चुनावी सभा गर्ने निर्णय गरेको हो ।

बिहीबार नेपाली काँग्रेसका वरिष्ठ नेता रामचन्द्र पौडेलको संयोजकत्वको स्थानीय तहको निर्वाचनका लागि गठबन्धनका दलहरुको आन्तरिक तयारी र अनुगमन गर्ने संयन्त्रको बैठकले सो निर्णय गरेको हो ।

समितिका सदस्य सचिव अधिवक्ता केशवराज जोशीका अनुसार यही वैशाख ३० गते सम्पन्न हुने स्थानीय तह निर्वाचनमा सातै प्रदेशमा गठबन्धनको संयुक्त चुनावी सभा गर्ने निर्णय भएको छ ।

सदस्य सचिव जोशीले वैशाख १८ गतेबाट सुरु हुने सभालाई पाँचै दलका प्रमुख नेताले सम्बोधन गर्ने कार्यक्रम तय भएको बताउनुभयो । साथै गठबन्धनका संयोजक समेत गरी छजना शीर्ष नेताले पनि सभालाई सम्बोधन गर्नुहुनेछ ।

उहाँका अनुसार वैशाख १८ गते धनगढीमा बिहान ११ बजे चुनावी सभा हुने छ भने १८ गते नै दिउँसो २ बजे सुर्खेतमा हुनेछ ।  यसैगरी, १९ गते बिहान ११ बजे बुटवलमा र २ बजे पोखरामा चुनावी सभा हुने कार्यक्रम तय भएको छ ।

त्यस्तै, २० गते विराटनगरमा बिहान ११ बजे, जनकपुरमा दिउँसो १ र २२ गते काठमाडौंमा दिउँसो १ बजे चुनावी सभा हुनेछ ।  

नागरिक अनलाइन

लेखकबाट थप

• बिहिवार, बैशाख ८ २०७९०५:०१:३२

• Tags:

  # चुनावी सभा # सत्तारुढ गठबन्धन

• होटल पौवाद्वारा प्रधानमन्त्री दैवी प्रकोप उद्धार कोषमा ११ लाख रुपैयाँ सहयोग

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग

• कांग्रेस क्षेत्र नम्बर–२ रुपन्देहीद्वारा विपद् व्यवस्थापन कोषमा ५१ हजार योगदान