बुटवल,पुस २१ । 

निजी तथा आवासीय विद्यालय अर्गनाइजेशन नेपाल (प्याब्सन) लुम्बिनी प्रदेशको अध्यक्षमा लालहरि पाण्डेय चयन भएका छन् । अधिवेशनले रूपन्देही बुटवलका पाण्डेयको अध्यक्षतामा १३ सदस्यीय प्रदेश कमिटी सर्वसम्मत चयन गरेको हाे ।

तीन वर्षे कार्यकालका लागि चयन भएको कार्यसमितिको वरिष्ठ उपाध्यक्षमा ऋषिकेश जिसी बाँके, उपाध्यक्षहरुमा केशव सापकोटा कपिलवस्तु, गोविन्द पौडेल पाल्पा ,सचिवमा धनराज चापागाई नवलपरासी, कोषाध्यक्षमा अमर राज सुवेदी दाङ, सह–सचिवमा तेजनाथ पौडेल बर्दिया र सह–कोषाध्यक्षमा महेश भूर्तेल रुपन्देही चयन भएका छन् ।

त्यस्तै कार्यकारिणी सदस्यहरुमा शारदा ज्ञवाली रुपन्देही, रामदेव यादव रुपन्देही, उपेन्द्र गुप्ता नवलपरासी, वासुदेव रिजाल दाङ र राजेन्द्र कुमार आचार्य बाँके चयन भएका छन् ।

बाँकेको कोहलपुरमा सम्पन्न अधिवेशनको उद्घाटन समारोह प्याब्सन लुम्बिनी प्रदेशका अध्यक्ष रामप्रसाद पाण्डेयको अध्यक्षता र लुम्बिनी प्रदेश सरकारका वन तथा वातावरण मन्त्री सुरेन्द्र बहादुर हमालको प्रमुख अतिथ्यतामा भएको थियो ।

कार्यक्रममा प्याब्सन केन्द्रिय सह–अध्यक्ष डिके ढुंगाना,सल्लाहकारहरु आशिष श्रेष्ठ, नारायण अधिकारी, सुमन गोपाल आचार्य, निर्मल उपाध्याय, अनिल झा,प्याब्सनका केन्द्रिय उपाध्यक्षहरु ईश्वरबहादुर गुरुङ, कृष्ण अधिकारी र विष्णु पन्थी, नेशनल प्याब्सन केन्द्रीय सचिव कुसुम रानाभाट लगायतले निजी विद्यालयहरु राज्यको शिक्षा विकासको मेरुदण्ड रहेको तर नेपाल सरकारले भेदभाव गरेको गुनासो गरेका थिए ।

तेस्रो अधिवेशनमा कोषाध्यक्ष केशव सापकोटाले पेश गरेको आर्थिक प्रतिवेदन सर्वसम्मतिले पारित भएको छ । प्रदेश अधिवेशनमा प्रदेशका विभिन्न जिल्लाबाट ३ सय ५० जना प्रतिनिधिहरुको उपस्थिति रहेको थियो ।

नागरिक अनलाइन

लेखकबाट थप

• बुधवार, पौष २१ २०७८११:५५:४३

• Tags:

  # लालहरि पाण्डे # प्याब्सन लुम्बिनी

• एमाले रूपन्देही जिल्ला कमिटी सचिवालय सदस्य नकुल शाहीले छाडे पार्टी

• होटल पौवाद्वारा प्रधानमन्त्री दैवी प्रकोप उद्धार कोषमा ११ लाख रुपैयाँ सहयोग

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग