बुटवल,पुस १८ । 

पाल्पाको रिब्दिकोट २ लगुवामा भएको बस दुर्घटनामा मृतकमध्ये केहिको पहिचान खुलेको छ ।  बुटवलबाट मलामी बोकेर रिडी जांदै गरेको बस लगुवामा दुर्घटना हुँदा मृत्यु भएका ७ जनामध्ये तीनजनाको सनाखत भएको हो ।  घाइतेहरुको अबस्था गम्भीर रहेकाले मृतकको संख्या बढ्न सक्ने प्रहरीको भनाइ छ ।

बुटवल ११ बुद्धनगरका बीरबहादुर विकको शवको अन्त्येष्टिका लागि ३५ जना मलामी बोकेको लु २ ख ७२७९ नम्बरको बस लगुवामा आइतबार बिहान १०:३० बजेतिर दुर्घटनामा परेको थियो ।  मृतक विक परिवार अर्घाखांचीको मरेङबाट केहिबर्ष अघि बुटवलमा बसाई सराइ गरेका थिए । उनीहरुले बुटवल बुद्धनगरमा पसल समेत चलाएका थिए ।

दुर्घटनामा परी मृत्यु भएकामध्ये बुटवल बुद्धनगरका लालबहादुर विक, पशुपति रसाइली र विजय थापा क्षेत्रीको खनाखत भएको घटनास्थलमै रहेका डिएसपी रामेश्वर त्वातीले नागरिक अनलाइनलाइ बताए ।

बीरबहादुरका छोरा लालबहादुरको पनि मृत्यु भएको छ । दुर्घटनामा घाइतेमध्ये गम्भीर घाइते १३ जनामध्ये केहीको मिसन अस्पताल र लुम्बिनी मेडिकल कलेज प्रभासमा उपचार भइरहेको छ । मलामी गएकाहरु अधिकांश अर्घाखाँची मालारानी २ का  हुन् ।

• शव बोकेर रिडी जाँदै गरेको बस पाल्पा लगुवामा दुर्घटना,७ जनाको घटनास्थलमै मृत्यु

नागरिक अनलाइन

लेखकबाट थप

• आइतवार, पौष १८ २०७८०२:०५:२८

• Tags:

  # मलामी # बस दुर्घटना # पाल्पा लगुवा बस दुर्घटना # पाल्पा लघुवा बस दुर्घटना

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा

• बुटवल अटोको स्थापना दिवस : ब्याडमिन्टन प्रतियोगितामा चौधरी–सारुको जोडी च्याम्पियन