बुटवल,असार १०-

रौतहटको मौलापुर नगरपालिकामा बिहीबार दुई पक्षबीच झडप भएको छ। नगरपालिकाको जारी नगर सभाको क्रममा दुई पक्षबीच झडप भएको हो। नगरसभा जारी रहँदा बाहिर दुई पक्षबीच झडप भएको रौतहटका प्रहरी प्रवक्ता एवं प्रहरी नायब उपरीक्षक भरत श्रेष्ठले जानकारी दिए।

मौलापुर नगरपालिकाको नगर सभाका प्रमुख अतिथि एमालेका नेता प्रभु साह रहेका छन्। साहकी श्रीमती रिनादेवी साह नगरपालिकाकी मेयर हुन्। झडपलाई नियन्त्रणमा लिन प्रहरीले पाँच राउण्ड अश्रु ग्यास प्रहार गरेको श्रेष्ठले बताए। नगरपालिका कार्यालयमा जारी नगरसभाको क्रममा विपक्षी दलका कार्यकर्ताहरुले मौलापुर चौकमा विरोध प्रदर्शन गरेका थिए।

सोहीक्रममा मेयर पक्षका कार्यकर्ता र विपक्षी दलका कार्यकर्ताहरु बीच झडप भएको हो। झडपलाई नियन्त्रणमा लिनको लागि व्यापक मात्रामा प्रहरी परिचालन गरिएको तथा अहिले स्थिति नियन्त्रणमा रहेको प्रहरी प्रवक्ता श्रेष्ठको भनाइ छ।

नागरिक अनलाइन

लेखकबाट थप

• बिहिवार, आषाढ १० २०७८०२:५१:५०

• Tags:

  # नगरसभा # झडप # मौलापुर नगरपालिका # प्रदेश २

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा