बुटवल,बैशाख ११-

१५ औं लोकतन्त्र दिवसको अवसरमा मानव अधिकार तथा शान्ति समाज रूपन्देहीले बुटवलको मिलनचोकमा दीप प्रज्वलन गरेको छ ।

मानव अधिकार, शान्ति, लोकतन्त्र र अहिंसाको पक्षमा सधै क्रियाशील शान्ति समाजले स्वास्थ्य सुरक्षा मापदण्ड सहित मिलनचोकमा दीप प्रज्वलन गरेको हो ।

कार्यक्रममा बोल्दै नेपाली कांग्रेसका युवा नेता बिष्णु पोखरेलले नेपालमा लोकतन्त्र स्थापनामा मानव अधिकार तथा शान्ति समाजको अग्रणी भूमिका रहेको स्मरण गरे। उनले नेपालमा लोकतन्त्र स्थापना भएपनि अहिले सत्तामा रहेको नेकपा एमालेका कारण लोकतन्त्र धरापमा परिरहेको आरोप लगाए ।

पोखरेलले जनताले ल्याएको लोकतन्त्र कुनै तानाशाहले खोस्न चाहेर कदापी नखोसिने बताए । रिपोर्टर्स क्लव लुम्बिनीका अध्यक्ष रामकुमार क्षेत्रीले लोकतन्त्रको संरक्षणका लागि सबै नागरिक सचेत हुनुपर्ने बताए ।

मानव अधिकार तथा शान्ति समाज रूपन्देही सभापति डि.पि. खनालले लोकतन्त्र र मानव अधिकार एक अर्काका परिपूूरक भएको बताए । मानव अधिकार तथा शान्ति समाज रूपन्देहीका सचिव कपिल ज्ञवालीले लोकतन्त्र स्थापनाको १५ बर्षमा आइपुग्दा पनि परिवर्तनको खास अनुभूति जनताले अझैपनि गर्न नसकिरहेको बताए ।

राजनैतिकसंगै आएका परिर्वतित ब्यबस्थाको संरक्षण गर्नुपर्ने बेला आएको उनको भनाइ छ ।शान्ति समाज रूपन्देही सभापति डि.पि. खनालको अध्यक्षतामा भएको कार्यक्रमको संचालन जिल्ला सचिव कपिल ज्ञवालीले गरेका थिए ।

नागरिक अनलाइन

लेखकबाट थप

• शनिवार, बैशाख ११ २०७८०७:२०:१७

• Tags:

  # लोकतन्त्र दिवस # मानव अधिकार तथा शान्ति समाज रूपन्देही # दीप प्रज्वलन # १५ औं लोकतन्त्र दिवस

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा