बुटवल,फागुन २ ।

महाशिवरात्री पर्वको अवसरमा पाल्पाको तिनाउ गाउँपालिका-३, दोभानस्थित सिद्धबाबा मन्दिरमा लाग्नेमहाशिवरात्री मेलाको सम्पूर्ण तयारी पूरा भएको छ । मन्दिर परिसरलाई आकर्षक रूपमा सजाइएको छ भनेभक्तजनलाई सहज र सुरक्षित रूपमा दर्शन गर्ने व्यवस्था मिलाइएको आयोजकले जनाएको छ ।

सिद्धबाबा मन्दिर विकास समितिले शनिबार पत्रकार सम्मेलन गर्दै यस वर्ष दर्शन व्यवस्थापनलाई थप व्यवस्थितबनाइएको जानकारी दिएको हो । समितिका अध्यक्ष सन्तोषकुमार शेरचनका अनुसार भक्तजनको सहजताकालागि गत वर्षझैँ यस वर्ष पनि टोकन प्रणाली लागू गरिएको छ भने निःशुल्क बस सेवासमेत सञ्चालनमा ल्याइएकोछ ।

विशेषगरी वृद्धवृद्धा, गर्भवती, अशक्त तथा असहाय व्यक्तिलाई प्राथमिकताका साथ मूल मन्दिरमै पुगेरपूजाअर्चना तथा दर्शन गर्ने व्यवस्था मिलाइएको छ । दैनिक पूजापाठ सम्पन्न भएपछि बिहान ४ बजेदेखिसर्वसाधारणका लागि दर्शन खुला गरिने समितिले जनाएको छ ।

भक्तजनको सुरक्षा र व्यवस्थापनका लागि करिब ५० जना सुरक्षाकर्मी, २०० स्वयंसेवक तथा १८ वटा सिसीक्यामेरामार्फत निगरानीको व्यवस्था गरिएको छ । साथै सरसफाइ, शौचालय, खानेपानी, पार्किङ, भण्डारा तथाजुत्ताचप्पल राख्ने स्थानको पनि उचित प्रबन्ध मिलाइएको छ ।

समितिका अनुसार गत वर्ष महाशिवरात्रीमा करिब ४० हजार भक्तजनले दर्शन गरेका थिए भने यस वर्ष ६०हजारभन्दा बढी भक्तजन आउने अनुमान गरिएको छ । “यस वर्ष दर्शनार्थीको संख्या उल्लेखनीय रूपमा बढ्नेअपेक्षा गरेका छौँ,” अध्यक्ष शेरचनले बताए ।

प्रचारप्रसार संयोजक अरबिन्द पाण्डेका अनुसार यस वर्ष भक्तजनलाई सिद्धबाबा सुरुङमार्ग भित्र लाइनव्यवस्थापन गरिनेछ, जसले गर्दा राजमार्गमा सवारी आवागमन प्रभावित नहुने विश्वास गरिएको छ ।

विगतमा साढेतीन घण्टासम्म लाइन बस्नुपर्ने अवस्था रहे पनि यस वर्ष साढे दुई घण्टाभित्रै दर्शन गराउने लक्ष्य राखिएको छ ।मेला संयोजक तोया लम्सालका अनुसार दर्शनार्थीको सुविधाका लागि दुई वटा निःशुल्क र नौ वटा सशुल्क बससेवा सञ्चालन गरिएको छ । यी बसहरू बुटवलका विभिन्न स्थानहरू-योगीकुटी, कालिकानगर, राजमार्ग चौराहा, अस्पताल लाइन, देवीनगर, शान्ति चोक, मिलनचोक, ट्राफिक चोक, गोलपार्क तथा दोभान-झुम्साबाट सञ्चालनहुनेछन् ।

महाशिवरात्रीका अवसरमा शिवपूजन, रुद्राभिषेक, अखण्ड हरिकीर्तन लगायतका धार्मिक कार्यक्रमसमेतआयोजना गरिने समितिले जनाएको छ ।

नागरिक अनलाइन

लेखकबाट थप

• शनिवार, फाल्गुण २ २०८२११:१२:२८

• होटल पौवाद्वारा प्रधानमन्त्री दैवी प्रकोप उद्धार कोषमा ११ लाख रुपैयाँ सहयोग

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग

• कांग्रेस क्षेत्र नम्बर–२ रुपन्देहीद्वारा विपद् व्यवस्थापन कोषमा ५१ हजार योगदान