बुटवल,चैत्र ६ ।
प्रकाशन तथा प्रसारण संघ लुम्बिनीको आयोजनामा बुटवलमा दाेस्राे मिडिया सम्मेलन हुने भएको छ ।

सञ्चार माध्यमहरु धरासायी हुँदै गएको र केही बन्द समेत हुँदै गएको अवस्थामा मिडियालाई कसरी चलायमान बनाउन सकिन्छ, मिडियालाई जोगाउने र मिडियाकर्मीलाई बचाँउने आधारहरु के–के हुन सक्छन् ? भन्ने विषयमा सम्मेलन गर्न लागिएको बुधबार पत्रकार सम्मेलन गरी जानकारी गराईएको हो ।

सञ्चार माध्यमहरुका समस्या र चुनौती बारे वृहत अन्तरक्रियाका लुम्बिनी मिडिया सम्मेलन गर्न लागिएको प्रकाशन तथा प्रसारण संघ लुम्बिनीका अध्यक्ष नवराज कुवँरले जानकारी गराउनुभयो ।

उहाँका अनुसार दुई दिनसम्म चल्ने सम्मेलनमा सञ्चारगृहका लागि आइपर्ने अवसर र सम्भावको खोजी गरिनेछ । मिडिया सम्मेलनमा पत्रकारिताका वरिष्ठ व्यक्ति र विज्ञहरुको सहभागिता रहने छ ।

मिडिया जोगाउने र मिडियाकर्मीलाई बचाँउने विषयमा गहन छलफल र अन्तरक्रिया गरिने उहाँले बताउनु भयो ।
सम्मेलनलाई सातवटा सत्रमा विभाजन गरिएको छ । चैत ८ गते शुक्रबार सम्मेलनको उद्घाटन लगत्तै ‘परम्परागत मिडिया : आजको अवस्था, भोलिको बाटो’ विषयमा छलफल हुनेछ ।

त्यस्तै छापा माध्यम, किन र कसका लागि ?, अनलाइन पत्रकारिता, विज्ञापन बजार, सञ्चार संस्था नियमन या नियन्त्रण, पत्रकार र पत्रकार महासंघ लगायतका विषयमा छलफल गरिने प्रकाशन तथा प्रसारण संघ लुम्बिनीका सचिव माधव नेपालले जानकारी दिनुभयो ।

उहाँका अनुसार मिडिया सम्मेलनले सञ्चार माध्यमको विद्यमान अवस्था, अव गर्नुपर्ने काम र भावी कार्यदिशा तय गर्ने र ठोस कार्ययोजना बनाउने छ । त्यस्तै सञ्चार माध्यमले आगामी दिनमा तय गर्नुपर्ने विषयवस्तुबारे स्पष्ट मार्गनिर्देश गर्ने अपेक्षा गरिएको छ ।

त्यसबाहेक रेडियोको अवस्था र विकासका बारेमा समेत औपचारिक अनौपचारिक छलफल हुने समाजका उपाध्यक्ष विष्णु भुसालले बताउनुभयो ।

यस्ताे छ कार्यक्रम तालिका :-

नागरिक अनलाइन

लेखकबाट थप

• बुधवार, चैत्र ६ २०८१०४:२०:०२

• Tags:

  # दाेस्राे मिडिया सम्मेलन # प्रकाशन तथा प्रसारण संघ लुम्बिनी

• नेपाल प्रेस युनियन रुपन्देहीद्वारा शुभकामना आदान–प्रदान

• बुटवलमा टीभीएसको ‘अचम्मैको महा एक्सचेन्ज’ मेला सुरु हुँदै

• बुटवल उद्योग बाणिज्य संघ : नवनिर्वाचित नेतृत्वद्वारा शपथसहित पदभार ग्रहण

• रास्वपा सरकारको नियत नै ठिक छैन : एमाले महासचिव शंकर पोखरेल

• कविता : मकै पोल्ने दिदी