बुटवल,माघ १६ ।

धार्मिक गुरु एवं अभियान्ता पण्डित कमलनयन गौतमले रुपन्देहीमा परोपकार कुञ्ज धाम निर्माणको आरम्भ गर्नुभएको छ । बुटवल १५ सेमलार भाटाप्रगती टोलमा परोपकार कुञ्ज धाम निर्माणका लागि उहाँले महायज्ञ संचालनको तयारी गर्नुभएको हो ।

दानव नदीको तटमा पर्ने स्थानमा परोपकार कुञ्ज धाम निर्माणका स्थानीय र सरकारसंग लामोसमयको प्रयासपछि सहमति जुटेपछि अभियान शुरु गरिएको हो । देशभर विभिन्न अभियानहरू मार्फत परोपकारी कार्यहरू संचालन गरिरहेको राष्ट्रिय परोपकार महासंघ नेपालले फागुन ४ गते देखि ११ गते सम्म श्रीमद् भागवत् धनधान्यान्चल महायज्ञ संचालन गर्नका लागि तयारी तिब्र पारेको छ ।

परोपकार कुञ्ज धामलाइ अध्ययनको केन्द्र समेत बनाउदै युवापुस्तालाइ धार्मिक जागरणमा जोडेर संस्कार प्रदान गरिने भागवत भाष्कर पण्डित कमलनयन गौतमले बताउनुभयो ।

‘हामी देशका नागरिकलाइ धार्मिक अभियानसंगै संस्कारी बनाउने गरि अभियानमा छाैँ,हामीलाइ हात र साथ दिनुहुने सबैलाइ यस अभियानलाइ सार्थक बनाउन आग्रह गर्दछु । ’ उहाँले नागरिक अनलाइनसंग भन्नुभयो ।

उहाँले आवश्यकताका आधारमा गौशाला,मुठीदान,पर्यावरण संरक्षण,जेष्ठ नागरिक चौतारी अभियानहरु देशैभर संचालन गरिएको जानकारी दिनुभयो । फागुन ११ गतेसम्म चल्ने श्रीमद् भागवत् धनधान्यान्चल ज्ञान महायज्ञका लागि सचिवालय स्थापना,आवश्यक समिति गठन,महायज्ञ स्थलको सरसफाइ समेत गरिएको छ ।

आज भएको तयारी बैठक र सरसफाइमा उजेलापुर टोल विकास संस्था ,ज्ञानज्योति टोल विकास संस्था ,मैनापुर टोल विकास संस्थाले सक्रियतापूर्वक सहभागिता जनाएको महायज्ञ आयोजक मूल समितिका अध्यक्ष हरिध्वज मल्लले बताउनुभयो ।

चर्चिक कथावाचक समेत रहनुभएका गौतमले १७ यसअघिदेखि रुपन्देहीमा बिभिन्न अभियानहरु संचालन गर्दै आउनुभएको छ । यसअघि बुटवल १२ मा रहेको मुक्तिनाथ धाममा स्वामि लोकानन्दसंगको सहकार्यमा धाम स्थापना गर्नुभएको थियो भने मानव सेवाआश्रमका सबै महायज्ञको कथावाचन तथा सडक मानव मुक्त बनाउने अभियानमा समेत सक्रियता जनाइरहनुभएको छ । 

परोपकार कुञ्ज धाम निर्माणका लागि पालिका र वडाले अपनत्व नै ग्रहण गरेर काम गरिएको नगर प्रवक्ता तथा वडा न १५ का वडाध्यक्ष शिव रानाले नागरिक अनलाइनलाइ जानकारी दिनुभयो ।

नागरिक अनलाइन

लेखकबाट थप

• बुधवार, माघ १६ २०८१०७:०८:४९

• Tags:

  # कमलनयन गौतम # परोपकार कुञ्ज धाम # महायज्ञ

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा

• बुटवल अटोको स्थापना दिवस : ब्याडमिन्टन प्रतियोगितामा चौधरी–सारुको जोडी च्याम्पियन