शनिवार, आषाढ ८ २०८१

मानव धर्मको ५ दिने योग शिविर

नागरिक अनलाइन

1.7K

बुटवल,असार ८ ।

नेपाल मानव धर्म सेवा समिति लुम्बिनी क्षेत्र आश्रम बुटवलको आयोजना र विश्व शान्ति अध्यात्म विज्ञान समाज नेपालको सहयोगमा ५ दिने योग शिविर सञ्चालन भैरहेको छ ।

योग शिविरमा बोल्दै मानव धर्म सेवा समिति क्षेत्र आश्रम प्रमुख महात्मा अम्बिका वाईजीले भौतिक तथा अध्यात्मिक जीवनको अनुशासनको लागी योग आवश्यक रहेको बताउनु भयो । योगका विभिन्न आसनले मन एकाग्र गर्नमा विशेष सहयोग पुर्याउने बताउदै उहाँले हाम्रा ऋषिमुनीले पनि योगलाई विशेष प्राथमिकता दिएको बताउनुभयो ।

विश्व शान्ति अध्यात्म विज्ञान समाज नेपालका प्रदेश अध्यक्ष तथा योगा प्रशिक्षक अमुल्यमान थैवलले प्रशिक्षण दिइरहनुभएको योग शिविरमा ७२ जना सहभागी रहेका छन् । शिविर ३ दिन सम्म नेपाल मानव धर्म सेवा समिति लुम्बिनी क्षेत्र आश्रम बुटवलमा र २ दिन मायादेवि गाउँपालिका ८ स्थित शाखा आश्रममा सञ्चालन हुने छ ।

नेपाल मानव धर्म समितिका देशभरीका करिब १३५ आश्रम तथा विदेशमा रहेका आश्रमहरुमा समेत योग शिविर सञ्चालन भएको छ ।

नागरिक अनलाइनमा प्रकाशित कुनैपनि सामग्रीबारे गुनासो,सूचना तथा सुझाव भए हामीलाई nagarikonlinenews@gmail.com मा पठाउनुहोला।)