बुटवल,चैत्र २९ ।

बिकासको गति लिएको बुटवल उपमहानगरपालिकाका सबैजसो सडक चिल्ला र कालोपत्रे गरिएको छ । बुटवलको राजर्माग चौराहादेखि गोलपार्कसम्मको साढे ३ किलोमिटर सडक बाहेक अन्य सबैजसो सडकहरू आकर्षक देखिन्छन् । कतिपय स्थानका सडकमा दुबैतिर ग्रिनरी समेत गरेर चिटिक्क पारिएको छ ।

भित्री सडक निर्माण सम्पन्न भएपछि यसले बुटवललाई थप आकर्षक बनाएको छ ।योगिकुटीबाट पुरानोबसपार्क जाने कालिकापथ सडक निर्माण सम्पन्न भएपछि यसले बुटवल सहरको स्वरुप नै परिर्वतन गरेको छ ।

साथै यो सडक सम्पन्न भएपछि मुख्य राजमार्गमा सवारीको चाप समेत केही कम भएको छ । यस्तै बुटवलको देविनगर–देवसिद्धीचोक, सुख्खानगर, जेसिजचोक, अमर पथ लगायतका सडकको निर्माण सम्पन्न भइसकेको बुटवल उपमहानगरपालिका प्रमुख खेलराज पाण्डयले नागरिक अनलाइनलाइ जानकारी दिनुभयो ।

देविनगर हुँदै रङगशाला जाने सडक पनि निर्माणधिन अवस्थामा रहेको छ । यो सडक पनि लामो सयमसम्म स्थानीयहरुको विवादका कारण , सडक डिभिजन कार्यालय, प्रदेश सरकारविच आवश्यक समन्वयमा समस्या हुँदा लामो समयसम्म अलपत्र परेको थियो ।

बुटवल उपमहानगरपालिका प्रमुख खेलराज पाण्डयले स्थानीयहरु र सम्बन्धीत निकायसँग आवश्यक समन्वय र छलफल गरी विवाद मिलाए पछि अहिले यो सडक निर्माणको कामले गति लिएको छ । यो सडकको निर्माण सम्पन्न भए पश्चात बुटवललाई यसले थप आकर्षक बनाउने छ । 

यस्तै मिलनचोक, देविनगर, बुद्धनगर हुँदै झोलुङ्गे पुलसम्म जाने वाइपास सडक निर्माण भएपछि तिनाउ पुलको सवारी चाप कम भएको छ । यद्यपी बुद्धनगरमा स्थानीयहरुको विवादका कारण केही ठाउँमा सडक निर्माण रोकिएको छ । विवादका कारण रोकिएको सडकको निर्माण स्थानीयहरुलाई मिलाएर सम्पन्न गर्ने तयारी भइरहेको छ ।

कल्पना डुम्रे

लेखकबाट थप

• बिहिवार, चैत्र २९ २०८००३:३०:२५

• Tags:

  # बुटवल उपमहानगरपालिका # सडक कालोपत्रे

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा

• बुटवल अटोको स्थापना दिवस : ब्याडमिन्टन प्रतियोगितामा चौधरी–सारुको जोडी च्याम्पियन