बुटवल,पुस १४ ।

बुटवल–११ देवीनगरस्थित गार्गी एकेडेमीले बालबालिको प्रतिभा उजागर गर्न शनिबार किड्स फेस्टिबल सम्पन्न गरेको छ । बालबालिकाको अन्तरनिहीत क्षमतालाई प्रस्फुटन गराउँदै हरेक विद्यार्थीलाई मञ्चमा पु¥याउने गरी विद्यालयले बच्चाहरूको उत्सव गरेको हो ।

सो अवसरमा बोल्दै निजी तथा आवाशीय विद्यालय अर्गनाइजेशन नेपाल (प्याब्सन) रूपन्देहीका अध्यक्ष अनन्तराम शर्माले यस्ता उत्सवहरूले बालप्रतिभा उजागर गर्न उपलब्धीमूलक सावित हुने बताए ।

बालबालिकाको प्रतिभा पहिचान गर्दै प्रोत्साहन गर्ने विद्यालयलको विद्यार्थी हरेक क्षेत्रमा अब्बल हुने अध्यक्ष शर्माको भनाइ छ ।  कार्यक्रममा प्याब्सन बुटवलका अध्यक्ष मित्रहरि आचार्यले गार्गीले छोटो समयमा अभिभावकको मन जितेर सबैको रोजाइमा परेको भन्दै प्रशंसा व्यक्त गरे ।

कार्यक्रममा विद्यालयका प्राचार्य भुवन अधिकारीले हरेक विद्यार्थीमा रहेको कुनै न कुनै प्रतिभालाई उजागर गर्न विद्यालयले यस्ता कार्यक्रमहरु गर्दै आएको बताए । बाल उत्सवमा नर्सरीदेखि कक्षा ३ सम्मका १ हजार ६३ जना विद्यार्थीहरू सहभागी भएको प्राचार्य अधिकारीले जानकारी दिए ।

उत्सवमा बालबालिकाहरुले नृत्य, गायन, नाटक, स्पिच लगायतका प्रस्तुती प्रस्तुत गरेका थिए । विद्यालयले समय समय विभिन्न कार्यक्रमहरू गर्दै आएको छ । सो अवसरमा विद्यालयका सञ्चालक जीवन अधिकारी, लोकराज शर्मा सल्लाहकार राजेन्द्र ढकाल लगायतले बोलेका थिए ।

२०६८ सालमा स्थापित विद्यालयमा हाल १ हजार ८ सय विद्यार्थी अध्ययनरत छन् ।विद्यालयका अध्यक्ष रणबहादुर थापाको अध्यक्षता, प्राचार्य भुवन अधिकारीको स्वागत तथा मावि शिक्षक नवराज न्यौपानेको सञ्चालनमा कार्यक्रम सम्पन्न भएको थियो ।

नागरिक अनलाइन

लेखकबाट थप

• शनिवार, पौष १४ २०८००५:१८:०६

• Tags:

  # किड्स फेस्टिवल # गार्गी एकेडेमी

• बुटवल उद्योग बाणिज्य संघ : नवनिर्वाचित नेतृत्वद्वारा शपथसहित पदभार ग्रहण

• रास्वपा सरकारको नियत नै ठिक छैन : एमाले महासचिव शंकर पोखरेल

• कविता : मकै पोल्ने दिदी

• रोट्रयाक्ट क्लब अफ बुटवल सिनर्जीको ९औँ पदस्थापन ,अध्यक्षमा कल्पित नेपाल

• फर्निचर व्यवसायका समस्या हलका लागि स्थानीय सरकार र सरोकारवाला संस्थाबीच सहकार्य जरूरी