आइतवार, आश्विन २१ २०८०

नेपाल सांस्कृतिक महासंघ रुपन्देहीद्वारा कलाकार ओम ज्ञवाली सम्मानित

नागरिक अनलाइन

2.0K

नेपाल सांस्कृतिक महासंघ रुपन्देहीद्वारा कलाकार ओम ज्ञवाली सम्मानित

बुटवल,असाेज २१ ।

नेपाल सांस्कृतिक महासंघ जिल्ला शाखा रुपन्देहीले वरिष्ठ गायक एवम बुद्ध सामुदायिक टेलिभिजनका अध्यक्ष ओम ज्ञवालीलाइ सम्मान गरेको छ । उनलाइ नगद ,दोसल्ला तथा प्रशंसापत्रले सम्मान गरिएको हाे ।गीत संगीतको क्षेत्रमा पुर्याएको योगदानको उच्च मुल्यांकन गर्दै सम्मान गरिएको सांस्कृतिक महासंघले जनाएको छ ।

नेपाल सांस्कृतिक महासंघ जिल्ला शाखा रुपन्देहीको ११ औँ बार्षिक साधारण सभा एवम तेस्रो अधिबेशनमा उनलाइ बुटवल उपमहानगरप्रम्ख खेलराज पाण्डेय,अध्यक्ष राधेश्याम राजभण्डारी लगायतले सम्मान गरेका थिए ।

राधेश्याम राजभण्डारी को अध्यक्षता तथा बुटवल उपमहानगरप्रम्ख खेलराज पाण्डेयको प्रमुख आतिथ्यमा कार्यक्रम भएको हो । सो अबसरमा बोल्दै प्रमुख अतिथि पाण्डेयले कलाकारिता कहिले पनि नमर्ने भन्दै कलाकारको उचित सम्मानमा राज्य लाग्न नसकेको स्वीकार्नु भयो । उहाँले कलाकारलाइ उचित सम्मान गर्न र योगदानको कदर गर्न नगर सरकार प्रतिबद्ध भएको बताउनुभयो । सो अबसरमा डिल्ली नारायण पाण्डे,कांग्रेस नगर उपसभापति ज्योति भण्डारी,दामोदर बस्याल लगाययतले बोलेका थिए ।

कार्यक्रममा कलाकारहरुले आ-आफ्नो कला प्रस्तुत गरेका थिए । अधिबेशनले दामोदर बस्यालको अध्यक्षतामा नयाँ नेतृत्व चयन गरेको छ ।

नागरिक अनलाइनमा प्रकाशित कुनैपनि सामग्रीबारे गुनासो,सूचना तथा सुझाव भए हामीलाई nagarikonlinenews@gmail.com मा पठाउनुहोला।)