शनिवार, आश्विन १३ २०८०

१९औं एसियाली खेलकुद : पब्जीको सेमिफाइनलमा नेपाल पराजित

नागरिक अनलाइन

1.4K

१९औं एसियाली खेलकुद : पब्जीको सेमिफाइनलमा नेपाल पराजित

हाङझाउ,असोज १३ ।

१९औं एसियाली खेलकुद (एसियाड) अन्तर्गत इस्पोर्ट्सको पब्जी मोबाइल प्रतिस्पर्धामा पदक जित्ने नेपालको आशा समाप्त भएको छ ।चाइना हाङझाउ इस्पोर्ट्स सेन्टरमा शनिबार बिहान भएको समूह ‘ए’ को सेमिफाइनलमा दक्षिण कोरिया र चाइनिज ताइपेईसँग पराजित भएपछि नेपालको पदक सम्भावना टरेको हो ।

सेमिफाइनलमा नेपाका सुबिनकुमार प्रजापति, दिपेश गुरुङ, साहस भण्डारी र समिर गुरुङले प्रतिस्पर्धा गर्नुभएको थियो । नेपाल शुक्रबार भएको एलिमिनेसन राउन्डको समूह ‘सी’ मा दोस्रो हुँदै सेमिफाइनलमा प्रवेश गरेको थियो ।

अब नेपालले इस्पोर्ट्समा डोटा स्पर्धामा मात्र प्रतिस्पर्धा गर्न बाँकी छ । डोटामा नेपालले शनिबार नै किर्गिस्तानसँग क्वार्टरफाइनलमा प्रतिस्पर्धा गर्दैछ ।

नागरिक अनलाइनमा प्रकाशित कुनैपनि सामग्रीबारे गुनासो,सूचना तथा सुझाव भए हामीलाई nagarikonlinenews@gmail.com मा पठाउनुहोला।)