बुटवल,असोज ११ ।

बिश्व रेबिज दिवसको अवसरमा बुटवलमा प्रभातफेरी तथा अन्तरक्रिया कार्यक्रम गरिएको छ ।

प्रदेशको पशुपंक्षि तथा मत्स्य विकास निर्देशनालय र नेपाल लाईभस्टक सेक्टर ईनोभेसन आयोजना बुटवलको मुख्य आयोजना र अन्य सरोकारवाला कार्यालय तथा निकायको सहकार्यमा प्रभातफेरी तथा अन्तरक्रिया कार्यक्रम गरिएको हाे ।

बुटवलको मिलनचौकमा रहेको पशुपंक्षि तथा मत्स्य विकास निर्देशनालय बाट सुरु भएको प्रभातफेरी बुटवल उपमहानगरपालिकामा गएर अन्तरक्रिया कार्यक्रममा परिणात भएको थियो ।रुपन्देही स्थिति विभिन्न पशुपंक्षि क्षेत्रका कार्यालय, संघ संस्थाहरुका प्रमुख तथा प्रतिनिधि सहित पक्लिहवा कृषि क्याम्पस भैरहवाका विद्यार्थीको सहभागीतामा प्रभातफेरी कार्यक्रम आयोजना गरिएको थियो ।

नियमित रेबिज विरुद्धको खोप लगाउँ, रेविज हुन बाट बचौं सहित का विभिन्न चेतानामुलक, सन्देशमुलक प्लोकार्ड, व्यानर सहितको प्रभातफेरी बुटवलको मिलनचौकबाट नयाँ बसपार्क, अस्पताल लाईन, ट्राफिक चौक, हटाबजार लाईन हुँदै बुटवल उपमहानरपालिका रहेको स्थान बुटवल–४ मा पुगेर अन्तरक्रिया मा परिणत भएको थियो ।

जिल्ला संम्वय समितिका प्रमुख तथा पशु प्राविधिक समेत रहेका उमाकान्त चपाईंले कार्यक्रममा बोल्दै रेविज बाट बच्नको लागि खोप नै प्रमुख विकल्प भएको बताएका थिए । कार्यक्रममा बुटवल उपमहानरपालिकाका उप प्रमुख सावित्रा देवी अर्यालले छाडा चौपायबाट रेबिज सर्ने संभावना उच्च रहेको भन्दै नगरपालिकाले छाडा चौपाया व्यवस्थापनमा लागिपरेको बताईन ।

कार्यक्रममा प्रदेशको कृषि तथा भुमि व्यवस्था मन्त्रालयका प्रवक्ता, प्रमुख नापी अधिकृत ९भूमिश्रोत नक्सांकन महाशाखा प्रमुख अनिल मरासीनी, पशुपंक्षि तथा मत्स्य विकास महाशाखा प्रमुख घनश्याम चौधरी, नेपाल लाईभस्टक सेक्टर ईनोभेसन आयोजना बुटवलका प्रमुख बरिष्ठ पशु चिकित्सक डा. गान्धीराज उपाध्याय, पशुपंक्षि तथा मत्स्य विकास निर्देशनालय बुटवलका प्रमुख डा। प्रवेश सिंह कुँवर लगायतले आ आफ्नो भनाई राखेका थिए ।

कार्यक्रममा डा. भरत काफ्लेले रेबीज रोगको विषयमा कार्यपत्र प्रस्तुत गर्दै यसबाट बच्ने उपाय लगायतको विषयमा आ आफ्नो भनाई राखेका थिए ।

नागरिक अनलाइन

लेखकबाट थप

• बिहिवार, आश्विन ११ २०८००४:५४:०६

• Tags:

  # बिश्व रेबिज दिवस

• नेपाली काँग्रेस रुपन्देही २ (ख) को पदस्थापन,कांग्रेस बलियो बनाउने प्रतिबद्धता

• बुटवलको शुक्रपथमा दीपावली सडक खाना महोत्सव

• बुद्ध सिटी डेन्टल र आईएमई लाइफवीच सम्झौतामा हस्ताक्षर ,उपचारमा छुट दिइने

• भिजन लुम्बिनीको आईपीओ निष्कासन प्रक्रिया अघि बढ्यो, बिक्री प्रबन्धकमा मुक्तिनाथ क्यापिटल

• बुटवलको जितगढी किल्लामा सार्वजनिक सुनुवाइ सम्पन्न,के - के उठे प्रश्न ?