बुटवल,असाेज ७।

ईस्लाम धर्मालम्वीहरुको धर्मगुरु पैगम्बर हजरत मुहम्मद मुस्तफा स्वल्लल्लाहो अलैहेव वसल्लमको १४९८ औं जन्मोत्सवको अवसरमा बुटवलमा विभिन्न कार्यक्रम हुने भएका छन् ।

रजा–ए–मुस्तफा जामे मस्जिद समिति बुटवल एकले बुटवलका विभिन्न कार्यक्रम गरि पैगम्बरको जन्मोत्सव मनाउने भएको हो ।समितिले असोज ८ गते सोमबार ईस्लामिक विद्यार्थीका विचमा अन्तर विद्यालय हाजिरीजवाफ प्रतियोगिता, १० गते बुधबार अनाथ तथा असहायलाई खाद्यान्न, बुधबार साँझ मिलादुननवी कार्यक्रम र असोज ११ गते विहान बुटवलमा ईस्लामिक समुदायको शान्ति ¥याली आयोजना गरेको अध्यक्ष मुहम्मद ईस्माइलले जानकारी दिनुभयो ।

आइतबार समितिले पत्रकार सम्मेलन गरेर पैगम्बरको जन्मोत्सव भब्य रुपमा सम्पन्न गर्नका लागि सम्पुर्ण तयारी पुरा भएको ईस्माइलले बताउनुभयो । इस्लाम समुदायिका ब्यक्ति ब्यक्ति विचमा आपसि भाईचारा विस्तार एवं धर्म संरक्षणका लागि पनि पैगम्बरको जन्मोत्सव महत्वपुर्ण भएकाले कार्यक्रममा सहभागिताका लागि सम्पुर्ण इस्लाम धर्मका अनुयायीहरुलाई अनुरोध गरिएको समितिका बरिष्ट उपाध्यक्ष हाजि अब्दुल सहमतले जानकारी दिनुभयो ।

पैगम्बरको जन्मोत्सवमा प्रत्यक वर्ष कार्यक्रम आयोजना गर्दै आएको र यसवर्षपनि सोको निरन्तरताका लागि बुटवलका विभिन्न खाले सप्ताहब्यापी रचनात्मक कार्यक्रम आयोजना गरिएको उपमहासचिव हसरदिन मियाले बताउनुभयो ।

बुटवल क्षेत्रका झण्डै ५ हजार मुस्लिम समुदायका ब्यक्तिहरु आवद्ध रहेको रजा–ए–मुस्तफा जामे मस्जिद समिति बुटवलले धर्म गुरु पैगम्बरको जन्मोत्सवमा असोज ७ गतेदेखि ११ गतेसम्म विभिन्न कार्यक्रमको आयोजना गरेको हो ।

नागरिक अनलाइन

लेखकबाट थप

• आइतवार, आश्विन ७ २०८००७:०७:४३

• Tags:

  # पैगम्बर हजरत मुहम्मद # रजा–ए–मुस्तफा जामे मस्जिद समिति

• नेपाली काँग्रेस रुपन्देही २ (ख) को पदस्थापन,कांग्रेस बलियो बनाउने प्रतिबद्धता

• बुटवलको शुक्रपथमा दीपावली सडक खाना महोत्सव

• बुद्ध सिटी डेन्टल र आईएमई लाइफवीच सम्झौतामा हस्ताक्षर ,उपचारमा छुट दिइने

• भिजन लुम्बिनीको आईपीओ निष्कासन प्रक्रिया अघि बढ्यो, बिक्री प्रबन्धकमा मुक्तिनाथ क्यापिटल

• बुटवलको जितगढी किल्लामा सार्वजनिक सुनुवाइ सम्पन्न,के - के उठे प्रश्न ?