काठमाडौं, असोज २ ।

कार्यवाहक प्रधानमन्त्री एवम् रक्षामन्त्री पूर्णबहादुर खड्का र नेपालका लागि जनवादी गणतन्त्र चीनका राजदूत चेन सोङ्गबीच रक्षा मन्त्रालय, सिंहदरबारमा मंगलबार  शिष्टाचार भेट भएको छ । 

कार्यवाहक प्रधानमन्त्री एवम् रक्षामन्त्री खड्काको निजी सचिवालयका अनुसार सो अवसरमा कार्यवाहक प्रधानमन्त्री खड्काले नेपाल र चीनबिच सदियौँ पुरानो दुईपक्षीय सुमधुर सम्बन्ध रहेको उल्लेख गर्नुहुँदै नेपाल एक चीन नीतिप्रति सदैव दृढतापूर्वक प्रतिबद्ध रहेको बताउनुभयो । उहाँले नेपालको भूमि चीनविरुद्ध प्रयोग हुन नदिने प्रतिबद्धता व्यक्त गर्नुभएको हो । 

उहाँले नेपालको आर्थिक एवम् पूर्वाधार विकासमा चीनले गर्दै आएको सहयोगको लागि आभार व्यक्त गर्नुभयो । यसैगरी, प्रधानमन्त्री पुष्पकमल दाहाल प्रचण्डबाट आगामी साता हुने चीन भ्रमणलाई सरकारले उच्च प्राथमिकतामा राखेको र भ्रमणले दुई देशबिचको सम्बन्धलाई थप उचाइमा पुराउने विश्वास व्यक्त गर्नुभयो ।

उहाँले नेपाली सेनाको क्षमता अभिवृद्धिमा चीनले पुराउँदै आएको सहयोगका लागि चीन सरकारलाई धन्यवाद व्यक्त गर्नुभयो ।सो अवसरमा राजदूत चेन सोङ्गले प्रधानमन्त्रीको आसन्न भ्रमणलाई सरकारले उच्च प्राथमिकता दिएको बताउनुभयो । 

दुई देशबिच उच्चस्तरीय भ्रमण निरन्तर हुनुपर्ने कुरामा जोड दिनुहुँदै चीनको लिन्ची सहरमा आगामी अक्टोबर ४ देखि ६ गतेसम्म हुने ‘द थर्ड ट्रान्स–हिमालयन फोरम फर इन्टरनेशनल को–अपरेसन’ कार्यक्रममा उपप्रधानमन्त्री तथा रक्षामन्त्रीको सहभागिताका लागि चिनियाँ परराष्ट्र मन्त्रालयको तर्फबाट पठाएको निमन्त्रणासमेत हस्तान्तरण गर्नुभयो ।

नागरिक अनलाइन

लेखकबाट थप

• मंगलवार, आश्विन २ २०८००७:३६:२८

• Tags:

  # रक्षामन्त्री पूर्णबहादुर खड्का

• नेपाली काँग्रेस रुपन्देही २ (ख) को पदस्थापन,कांग्रेस बलियो बनाउने प्रतिबद्धता

• बुटवलको शुक्रपथमा दीपावली सडक खाना महोत्सव

• बुद्ध सिटी डेन्टल र आईएमई लाइफवीच सम्झौतामा हस्ताक्षर ,उपचारमा छुट दिइने

• भिजन लुम्बिनीको आईपीओ निष्कासन प्रक्रिया अघि बढ्यो, बिक्री प्रबन्धकमा मुक्तिनाथ क्यापिटल

• बुटवलको जितगढी किल्लामा सार्वजनिक सुनुवाइ सम्पन्न,के - के उठे प्रश्न ?