शुक्रवार, भाद्र ८ २०८०

एभरेष्टमा डिजिटल मार्केटिङ सम्वन्धी अभिमुखीकरण

नागरिक अनलाइन

831

एभरेष्टमा डिजिटल मार्केटिङ सम्वन्धी अभिमुखीकरण

बुटवल, भदौ ८ ।

एभरेष्ट माध्यमिक विद्यालय बुटवल–८ मा डिजिटल मार्केटिङ सम्बन्धी अभिमुखीकरण कार्यक्रम भएको छ । व्यवस्थापन सङ्कायअन्तर्गत कम्प्युटर विषयमा अध्ययनरत कक्षा ११ र १२ का छात्रछात्रालाई लक्षित गरी आयोजना गरिएको उक्त कार्यक्रममा करिब एक सयबढी छात्रछात्राको सहभागिता रहेको थियो ।

विद्यालयका उप प्राचार्य उमेश रेग्मीको अध्यक्षतामा भएको कार्यक्रमको सहजिकरण प्रमुख प्रशिक्षक हव आइटी बुटवलका डिजिटल मार्केटिङ निर्देशक हरि बन्जाडे, विद्यालयका कम्प्युटर शिक्षक राजिव बेलबासेले गर्नुभएको थियो । आधुनिक प्रविधिको विकाससँगै बढ्दै गएको डिजिटल मार्केटिङका बारेमा विद्यार्थीलाई विस्तृत जानकारी गराउने उद्देश्यले आयोजित उक्त कार्यक्रममा प्रशिक्षक बन्जाडेले डिजिटल मार्केटिङ पद्वतिका विविध पक्षमाथि प्रकाश पार्नुभएको थियो ।

सोही अवसरमा बोल्दै प्राचार्य कृष्ण न्यौपानेले आफूले सिकेको नवीनतम प्रविधिलाई व्यवहारमा उपयोग गर्ने र अरुलाई पनि उक्त ज्ञान बाँड्ने गरेमा मात्र सिकाइ उपलब्धिमूलक रहने बताउनुभयो ।

कार्यक्रममा सह प्राचार्यद्वय भिमसेन गौतम र उमेश रेग्मीले यस्ता कार्यक्रमले विद्यार्थीमा नवीन प्रविधिको ज्ञान अभिवृद्वि हुने हुँदा आगामी दिनमा पनि यस प्रकारका कार्यक्रमले निरन्तरता पाउने जानकारी दिनुभएको थियो ।

नागरिक अनलाइनमा प्रकाशित कुनैपनि सामग्रीबारे गुनासो,सूचना तथा सुझाव भए हामीलाई nagarikonlinenews@gmail.com मा पठाउनुहोला।)