बिहिवार, श्रावण १८ २०८०

भारतको सिक्किममा अम्बर गुरुङको शालिक अनावरण गरिने

नागरिक अनलाइन

1.1K

भारतको सिक्किममा अम्बर गुरुङको शालिक अनावरण गरिने

बुटवल,साउन १८ ।

लभ एण्ड सपोर्ट फाउण्डेसनले भारतको सिक्किममा नेपाली संगीतका शिखरपुरुष अम्बर गुरुङको शालिक अनावरण गर्ने भएको छ । उक्त अवसरमा गायिका शान्ति ठटाल, वरिष्ठ गायकद्धय दिप श्रेष्ठ र प्रताप सुब्बालाई जनही नगद रु. ५१ हजारसाथ सम्मानित पनि गरिने भएको छ ।

आाउदो नोभेम्बरमा अनावरण गरिने गुरुङको शालिक भारु सातलाख खर्चमा निर्माण गर्न लागिएको लभ एण्ड सपोर्ट फाउण्डेसन नेपालका सचिब आनन्द राईले बताएका छन् ।

शालिक सिक्किमको सौरनी टिङलिङ भ्यु पोइन्टमा निर्माण भइरहेको छ । शालिक अनारवरणका लागि अमेरिकाबाट फाउण्डेसनका अध्यक्ष मनोज राई सिक्किम जाने पनि राईले बताएका छन् ।

अमेरिकाको नर्थ क्यारोलेनामा माख्य कार्यालय रहेको फाउण्डेसनले नेपाली संगीतको उत्थान तथा परोपकारको क्षेत्रमा कार्य गर्दै आएको छ ।

नागरिक अनलाइनमा प्रकाशित कुनैपनि सामग्रीबारे गुनासो,सूचना तथा सुझाव भए हामीलाई nagarikonlinenews@gmail.com मा पठाउनुहोला।)