बिहिवार, श्रावण ११ २०८०

एकिकृत खानेपानी,ढल व्यवस्थापनका लागि राय संकलन गर्दै लुम्बिनी साँस्कृतिक नगरपालिका

नागरिक अनलाइन

1.1K

एकिकृत खानेपानी,ढल व्यवस्थापनका लागि राय संकलन गर्दै लुम्बिनी साँस्कृतिक नगरपालिका

बुटवल,साउन ११।

रुपन्देहीको लुम्बिनी साँस्कृतिक नगरपालिकामा निर्माण हुने एकिकृत खानेपानी,ढल व्यवस्थापन तथा ईन्सिनिरेटर आयोजना सम्बन्धी रायसुझाव संकलन कार्य आज सम्पन्न भएको छ ।

यो योजनाको लागी प्रारम्भिक वातावरणीय परिक्षण प्रतिवेदन तयारीको क्रममा आयोजना कार्यान्वयन हुँदा प्रत्यक्ष र अप्रत्यक्ष रुपमा प्रभावित पार्ने विषयहरुलाई लिएर स्थानीय सरोकारवालाहरुको राय सुझाव संकलन भएको हो ।

सो कार्यक्रमलाई सम्बोधन गर्दै लुम्बिनी साँस्कृतिक नगरपालिकाका मेयर सजरुद्धिन मुसलनमानले नगरलाई जनताले चाहेजस्तो बनाउन खोजेको बताएका छन् ।नगरबाट निस्केका फोहोरमैलालाई समुचित रुपमा व्यवस्थापन गर्ने गृहकार्य अघि बढ्न सुरु भएको र सो विषयमा बृहत छलफल चलिरहेको जानकारी दिए ।

लुम्बिनी साँस्कृतिक नगरमा एकिकृत रुपमा विकास गर्न र नगरलाई स्वच्छ एवं हराभरा बनाउन सो आयोजना अघि सारिएको हो । विकासका काम गर्दा यस क्षेत्रका प्राकृतिक,भौतिक प्रणली,साँस्कृतिक,सामाजिक,आर्थिक र पर्यटनमा असर नपर्ने गरि गर्नुपर्नेमा मेयर मुसलमानले जोड दिए ।

छलफलमा केन्द्रित भएको आयोजनालाई मुर्त रुप दिन आफु सकारात्मक भएको भन्दै सवैको साथ र सहयोगको अपेक्षा गरेका छन् ।

कार्यक्रममा उपप्रमुख कल्पना हरिजनले नगरबाट निस्केका ढललाई उचित रुपमा व्यवस्थापन गर्नुपर्ने आजको आवश्कयता देखिएको बताईएकी छन् । एकिकृत खानेपानीको विकासमा समेत नगर लागी परेको कुरा औँल्याईन् ।

नगरपालिकामा भएको कार्यक्रममा वातावरण तथा ईन्जिनियरहरुले सो आयोजनाकाबारेमा प्रस्तुतिकरण दिएका थिए ।एकिकृत खानेपानी तथा ढल व्यवस्थापन आयोजना पानीपोखरी,काठमान्डौको आयोजनामा सार्वजनिक कार्यक्रम भएको थियो ।

नागरिक अनलाइनमा प्रकाशित कुनैपनि सामग्रीबारे गुनासो,सूचना तथा सुझाव भए हामीलाई nagarikonlinenews@gmail.com मा पठाउनुहोला।)