घोराही, साउन ९ ।

दाङमा यात्रु वाहक बस अनियन्त्रित भएर टिप्परमा ठोकिँदा १७ जना घाइते भएका छन् ।

घोराही–लमही सडक खण्डअन्तर्गत लमही नगरपालिका वडा नं. ६ स्थीत बेलदमारमा लमहीबाट घोराहीतर्फ आउँदै गरेको रा १ ख २०१७ नं. को बालुवा बोकेको टिप्परमा घोराहीबाट लमहीतर्फ जादै गरेको ग १ ख ९९७८ नं को बस ठोक्किदा १७ जना यात्रु घाइते भएको जिल्ला प्रहरी कार्यालय दाङका प्रवक्ता एवं प्रहरी नायव उपरिक्षक राजनकुमार गौतमले जानकारी दिनुभयो । 

प्रहरी नायव उपरिक्षक गौतमका अनुसार बसमा सवार २५र२६ जनामध्ये १७ जना यात्रुहरु घाइते भएका छन् । घाइतेहरुको लमहीस्थीत लमही अस्पतालमा उपचार भइरहेको छ ।

प्रहरी नायव उपरिक्षक गौतमले भन्नुभयो, ‘‘घोराहीबाट लमहीतर्फ जाँदै गरेको यात्रुबाहक बस बेलदमारस्थीत टिप्परसँग ठोकिदा १७ जना यात्रु घाइते हुनुभएको छ । उहाँहरुको उपचार भइरहेको छ ।’’  बस चालक स्मित डिसीलाई प्रहरी नियन्त्रणमा लिएर घट्नाबारेमा अनुसन्धान गरिरहेको प्रहरी नायव उपरिक्षक गौतमले जानकारी दिनुभयो । 

गौतमका अनुसार दुर्घटनामा दुर्घटनामा राजपुर गाउँपालिका–७ लैबरूवा निवासी ५० बर्षीय रिता बिक, भारतमध्य प्रदेश शिवाजी नगर भुषाल निवासी २७ बर्षीय सनि बिष्ट, तुलसीपुर उपमहानगरपालिका–१६ निवासी ४२ वर्षीय हेमबहादुर बस्नेत, गढवा गाउँपालिका–४ निवासी ३१ वर्षीय भम्भु चौधरी, रोल्पा रुन्टिगढी गाउँपालिका–६ निवासी ५२ वर्षीय ईन्द्रसिंह घर्तीमगर घाइते हुनुभएको छ । 

त्यसैगरी राप्ती गाउँपालिका–५ निवासी २६ वर्षीय प्रमिला चौधरी, घोराही उपमहानगरपालिका–१४ निवासी एसिका परियार, सोही ठाउँ निवासी १७ वर्षीय खुसी परियार, ४६ बर्षीया रामकली बिक, घोराही–४ निवासी १९ वर्षीय हिरा बुढामगर, तुलसीपुर उपमहानगरपालिका–१३ निवासी ७७ बर्षीय बिजुलीबहादुर घर्तीमगर, लमही नगरपालिका–९ निवासी ३० वर्षीय ओवीराम कुमाल, घोरारी उपमहानगरपालिका–७ निवासी ४६ वर्षीय कल्पना थापा, राजपुर गाँउँपालिका–७ निवासी ६७ वर्षीय भद्रिकला घर्तीमगर, सोही ठाउँ निवासी ज्ञानेन्द्र घर्तीमगर, राप्ती गाउँपालिका १ निवासी ३८ वर्षीय सागर बुढाथोकी र बर्दिया बाँसगढी नगरपालिका–४ निवासी ३३ वर्षीय हिरालाल अधिकारी घाइते भएको जिल्ला प्रहरी कार्यालय दाङका प्रहरी नायव निरिक्षक गौतमले जानकारी दिनुभयो ।

नागरिक अनलाइन

लेखकबाट थप

• मंगलवार, श्रावण ९ २०८००७:३४:१२

• नेपाली काँग्रेस रुपन्देही २ (ख) को पदस्थापन,कांग्रेस बलियो बनाउने प्रतिबद्धता

• बुटवलको शुक्रपथमा दीपावली सडक खाना महोत्सव

• बुद्ध सिटी डेन्टल र आईएमई लाइफवीच सम्झौतामा हस्ताक्षर ,उपचारमा छुट दिइने

• भिजन लुम्बिनीको आईपीओ निष्कासन प्रक्रिया अघि बढ्यो, बिक्री प्रबन्धकमा मुक्तिनाथ क्यापिटल

• बुटवलको जितगढी किल्लामा सार्वजनिक सुनुवाइ सम्पन्न,के - के उठे प्रश्न ?