बुटवल,असार २० ।

नेपाली कांग्रेसको लुम्बिनी प्रदेश सम्मेलन आगामी भदौ महिनामा हुने भएको छ । काँग्रेस लुम्बिनी प्रदेशको भालुभाङमा बसेको बैठकले भदौ मसान्तभित्र पार्टीको प्रदेश सम्मेलन गर्ने निर्णय गरेको हो ।

सम्मेलनमा प्रदेश समितिका पदाधिकारी, सदस्य, प्रदेश क्षेत्रीय सभाका सभापति एवं सम्मेलन प्रतिनिधिहरूको सहभागिता हुने छन् । ‘यसले काँग्रेसलाई थप बलियो, जनमुखी र आगामी दिनमा गर्ने कार्यक्रमको एजेण्डा तय गरेर अघि बढ्नेछ’, नेपाली कांग्रेस लुम्बिनी प्रदेश समिति सभापति अमरसिंह पुनले भने ।

उनले लुम्बिनी प्रदेश सराकारलाई थप सशक्त र जनमुखी बनाउनका लागि जनभावना अनुरूप कार्यक्रम निर्माण र परिचालन गर्नका लागि सरकार र पार्टीबीच समन्वयका साथ अगाडि बढ्ने निर्णय गरेको बताए । कांग्रेस लुम्बिनीले भातृ तथा शुभेच्छुक संस्थाहरूमा नियुक्तिका लागि सम्बन्धित तहका समितिको सिफारिसमा मात्र गर्न पनि केन्द्रीय समितिलाई अपिल गरेको छ ।

प्रदेश सभा क्षेत्रका क्षेत्रीय सभापतिहरूलाई पार्टीको नीति र समसामयिक राजनीतिको विषयमा प्रशिक्षण दिने निर्णय गरेको कांग्रेस लुम्बिनीले विभिन्न विभागहरूलाई पूर्णता दिँदै ग्राउन्ड लेबलसम्म पार्टीको परिचालन संयन्त्रलाई प्रभावकारी बनाउने निर्णय गरेको कांग्रेस लुम्बिनीले जनाएको छ ।

नागरिक अनलाइन

लेखकबाट थप

• बुधवार, आषाढ २० २०८००१:४८:०६

• Tags:

  # नेपाली कांग्रेस लुम्बिनी प्रदेश # नेपाली कांग्रेस लुम्बिनी प्रदेश

• स‌द्भाव नै हाम्रो धर्म, एकता नै हाम्रो शक्ति भन्ने मूल नारासहित बुटवलमा सद्भाव र्‍याली

• मुक्तिनाथ धाममा ब्यास जयन्ती तथा गुरुपूर्णिमा महोत्सव (फोटोफिचर)

• १०७ युनिट रगत संकलन गरेको गुल्मेली सम्पर्क समाज रुपन्देही सम्मानित

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन