बुटवल,असार १९ ।

धान दिवसको अवसरमा लुम्बिनी वल्र्ड स्कुलले विभिन्न कार्यक्रमहरुको आयोजना गरेको थियो । 

जसमा बालबालिकाहरुका विभिन्न प्रतिभाहरु, असारे गीत, किसानको महिमा तथा धानदिवस सम्बन्धि शीर्षकहरुमा कविता रचना गरी वाचन गर्नुका साथै विद्यार्थीहरु आफुले सिकेका कुराहरुलाई अत्यन्तै रोचक र निर्भीक तरिकाले मञ्चमागई प्रस्तुत गरेका थिए ।

कार्यक्रम बिहान ९ः३० बजेबाट सुरु भई बेलुका ५ः३० बजे सम्म भएको थियो ।

किसानको महत्वलाई  निकै सहज रुपमा आ–आफ्ना मन्तव्य दिदैँ किसानलाई मुक्तकण्ठले प्रशंसा समेत गरेका थिए । कार्यक्रममा सिलौटो, डोको, नाम्लो, हँसिया, कुटो, कोदालो, हलो, जुवा, सेउ, ढकिया, पेरुङ्गो, गुन्द्री जस्ता किसानहरुले प्रयोग गर्ने परम्परागत (पुराना) प्रविधिहरु ल्याई तिनिहरुको प्रयोग गर्ने पद्धतिलाई समेत सफल प्रदर्शन गरिएको थियो ।

असार पन्ध्रमा किन दही चिउरा खाने चलन छ भन्ने बारेमा विद्यार्थी स्वयम्लाई खोज अनुसन्धान गर्न लगाई उनिहरुले प्राप्त गरेका जानकारीहरुलाई प्रस्तुत गरेका थिए । त्यसैक्रममा सम्पूर्ण विद्यार्थीहरुलाई दही चिउराको भोजन गराई रोपाइँका लागि तयार पारिएको खेतमा लगेर धान रोप्न सिकाइएको थियो ।

विद्यार्थी तथा शिक्षक–शिक्षिका समेत केही समय हिलोमा खेल्दै रमाउँदै धान रोप्नमा व्यस्त देखिन्थे । यसरी यस विद्यालयले ‘धानदिवस’अर्थात् असार पन्ध्र उत्सवलाई सभ्य र भव्यताका साथ सम्पन्न गरेको थियो ।

नागरिक अनलाइन

लेखकबाट थप

• मंगलवार, आषाढ १९ २०८००१:३३:०९

• नेपाली काँग्रेस रुपन्देही २ (ख) को पदस्थापन,कांग्रेस बलियो बनाउने प्रतिबद्धता

• बुटवलको शुक्रपथमा दीपावली सडक खाना महोत्सव

• बुद्ध सिटी डेन्टल र आईएमई लाइफवीच सम्झौतामा हस्ताक्षर ,उपचारमा छुट दिइने

• भिजन लुम्बिनीको आईपीओ निष्कासन प्रक्रिया अघि बढ्यो, बिक्री प्रबन्धकमा मुक्तिनाथ क्यापिटल

• बुटवलको जितगढी किल्लामा सार्वजनिक सुनुवाइ सम्पन्न,के - के उठे प्रश्न ?