काठमाडौं,असार ११ ।

अख्तियार दुरुपयोग अनुसन्धान आयोगले पशुपति विकास कोषका तत्कालीन सदस्य सचिव डा.प्रदीप ढकालविरुद्ध विशेष अदालत काठमाडौंमा भ्रष्टाचार मुद्दा दायर गरेको छ।

अख्तियारले सोमबार १ करोड ४४ लाख ११ हजार ७८१ रुपैयाँ ७१ पैंसा बराबरको सम्पत्ति गैरकानुनीरुपमा आर्जन गरी भ्रष्टाचार गरेको अभियोगमा ढकालविरुद्ध आरोप पत्र दायर गरेको हो।

ढकालले गैरकानुनीरुपमा आर्जन गरेको स्रोत नखुलेको विगो निजको नाममा हाल कायम रहेको घरजग्गाबाट प्रचलित भ्रष्टाचार निवारण ऐन २०५९ को दफा (४७) तथा अख्तियार दुरूपयोग अनुसन्धान आयोग ऐन २०४८ को दफा २९ (ख) बमोजिम विगो र जरिवाना जफत गरी पाउन माग दावी गरिएको अख्तियारले अदालतमा पेश गरेको आरोप पत्रमा उल्लेख छ।

ढकालले सार्वजनिक पदमा रहँदा प्रचलित कानुनबमोजिम पेश गरेको सम्पत्ती विवरण अमिल्दो तथा अस्वभाविक देखिनुका साथै अस्वभाविक उच्च जीवन यापन गरेको र सार्वजनिक पदको दुरूपयोग गरी सम्पत्ति गैरकानुनीरुपमा आर्जन गरेको अख्तियारको ठहर छ।

नागरिक अनलाइन

लेखकबाट थप

• सोमवार, आषाढ ११ २०८००३:३९:३१

• नेपाली काँग्रेस रुपन्देही २ (ख) को पदस्थापन,कांग्रेस बलियो बनाउने प्रतिबद्धता

• बुटवलको शुक्रपथमा दीपावली सडक खाना महोत्सव

• बुद्ध सिटी डेन्टल र आईएमई लाइफवीच सम्झौतामा हस्ताक्षर ,उपचारमा छुट दिइने

• भिजन लुम्बिनीको आईपीओ निष्कासन प्रक्रिया अघि बढ्यो, बिक्री प्रबन्धकमा मुक्तिनाथ क्यापिटल

• बुटवलको जितगढी किल्लामा सार्वजनिक सुनुवाइ सम्पन्न,के - के उठे प्रश्न ?