गुल्मी,असार ८ ।

गुल्मीको रूरूक्षेत्र गाउँपालिकाले आगामी आर्थिक बर्ष २०८०-८१ को नीति तथा कार्यक्रम प्रस्तुत गरेको छ । खानेपानीको मुहान संरक्षण गर्न र पर्यावरण जोगाउन १ सय ८ वटा पोखरी, १ हजार ८ वटा पिपलका वृक्ष रोपिने रूरूक्षेत्र गाउँपालिकाकमा अध्यक्ष यदु ज्ञवालीले जानकारी दिनुभएको हो  ।

गाउँ सभाको १४ औं अधिवेसनमा नीति तथा कार्यक्रम प्रस्तुत गर्दै गाउँपालिका अध्यक्ष ज्ञवालीले सो कुरा उल्लेख गर्नुभयो ।

ज्ञवालीले रुरुक्षेत्र गाउँपालिकाको धार्मिक महत्व झल्काउन र धार्मिक पर्यटक भित्र्याउन बिधालय, टोल बिकास समिती आमासमुह, युवा क्लब, सहकारी,बैंकिङ क्षेत्र तथा निजि संघ सस्था संगको सहकार्यमा आगामी ४ बर्ष भित्र गाउँपालिका भित्रका सार्वजनिक स्थानमा १ सय ८ पोखरी र १ हजार ८ पिपलका बिरुवाहरु लगाईने उल्लेख गर्नुभयो । वहाँले आगामी आर्थिक बर्षमा कम्तीमा ३० वटा पोखरी, र २ सय ५० पिपलका रुखहरु रोप्ने उल्लेख गर्नुभयो ।

पुर्खाहरुले खनेका पोखरी पुर्ने र ठुलाठुला पिपलका बोटहरु बिकास निर्माणका क्रममा काटिरहेको सन्दर्भमा गाउँपालिकाले पानीको मुहान संरक्षण गर्दै पर्यावरण जोगाउन यस्तो नीति ल्याईएको अध्यक्ष ज्ञवालीले बताउनुभयो ।

गाउँपालिकाले आगामी आर्थिक बर्षमा कालोपत्रे भैसकेका सडकको दायाँ बायाँ किनारमा हरियाली प्रवर्द्धन गर्न आवस्यकता अनुसार फलफुल र अन्य सौन्दर्य बढाउने रुखबिरुवाहरु समेत रोप्ने भएको छ ।

नागरिक अनलाइन

लेखकबाट थप

• शुक्रवार, आषाढ ८ २०८००४:३१:२६

• Tags:

  # रूरूक्षेत्र # रूरूक्षेत्र गांउपालिका # नीति तथा कार्यक्रम

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा