अमेरिका,असार ३। 

अमेरिकाको क्यालिफोर्निया राज्यको लस एन्जल्स शहरमा शिव महापुराण लगाईने भएको छ । लस एन्जल्समा रहेको श्री पशुपतिनाथ फाउण्डेशन, युएसएको अगुवाईमा लस एन्जल्स क्षेत्र वरपर सक्रिय विभिन्न नेपाली संघ संस्थाहरुको सहकार्यमा आउँदो जुलाई ९ देखि १५ सम्म शिव महापुराण लगाईने भएको हो ।

महापुराणमा वाचन प्रविण पण्डित दिनबन्धु पोखरेलले कथावचान गर्ने आयोजकले जानकारी गराएका छन् । लसएन्जल्स काउन्टी अन्तर्गत नरवाक शहरमा रहेको श्री पशुपतिनाथ तथा बुद्व मन्दिरमा महापुराण आयोजना हुनेछ ।

लस एन्जल्स आध्यात्मिक महोत्सव समेत समावेश गरिएको महापुराणको तयारी तिव्र गतिमा अघि बढेको श्री पशुपतिनाथ फाउण्डेशनका सचिव डिल्ली ( सिद्दार्थ ) सिलवालले जानकारी दिए ।

महापुराण आयोजनाका लागि फाउण्डेशनका निवर्तमान अध्यक्ष मुकुन्द ढुंगानाको संयोजकत्वमा मूल समारोह समिति बनाईएको आयोजकले जानकारी दिएका छन् । यस्तै, समाजका अग्रज व्यक्तित्व बेद भक्त जोशी तथा   नेपाल सरकारका अवैतनिक महावाणिज्यदुत रिषी ढकाल रहेको सल्लाहकार समिति बनाईएको बताईएको छ ।

सामुदायिक भवनको परिकल्पनालाई साकार पार्न आर्थिक सहयोग जुटाउन महापुराणको आयोजना गरिएको जनाउँदै फाउण्डेशनका अध्यक्ष रामेश्वर भण्डारीले सबैको साथ र सहयोग त्यो कार्य संभव हुने जनाए ।उनले मन्दिर निर्माणले हिन्दु धर्मालम्बीहरु त्यसमा पनि नेपालीहरु लाभान्वित भएको जनाउँदैं नेपाली संस्कृतिको जर्गेना गर्दै पुस्तान्तरणका लागि सामुदायिक भवनको महत्व रहने बताए ।

नियमित पुजाका साथै धार्मिक तथा सांस्कृतिक महत्वका कार्यक्रम मन्दिरमा आयोजना हुनुका साथै हरेक आईतवार नेपाली पाठशाला संचालन हुँदै आएको छ ।

नागरिक अनलाइन

लेखकबाट थप

• आइतवार, आषाढ ३ २०८०१०:१४:३६

• Tags:

  # लसएन्जल्स # शिव महापुराण

• नेपाली काँग्रेस रुपन्देही २ (ख) को पदस्थापन,कांग्रेस बलियो बनाउने प्रतिबद्धता

• बुटवलको शुक्रपथमा दीपावली सडक खाना महोत्सव

• बुद्ध सिटी डेन्टल र आईएमई लाइफवीच सम्झौतामा हस्ताक्षर ,उपचारमा छुट दिइने

• भिजन लुम्बिनीको आईपीओ निष्कासन प्रक्रिया अघि बढ्यो, बिक्री प्रबन्धकमा मुक्तिनाथ क्यापिटल

• बुटवलको जितगढी किल्लामा सार्वजनिक सुनुवाइ सम्पन्न,के - के उठे प्रश्न ?