गुल्मी,जेठ ८ ।

गुल्मीको मदाने गाँउपालिकामा रहेको पृथ्वी माविमा शिक्षक सरुवाको बिषयलाई लिएर  जेष्ठ चार गते मदाने गाँउपालिकाको शिक्षा शाखा र प्रमुख प्रशासकिय अधिकृतको कार्यकक्षमा गरिएको तालाबन्दि आज प्रहरीले खोलेको छ ।

तालाबन्दिका कारण गाँउपालिकाको नियमित काम कारवाहिहरु प्रभावित हुनुका । आर्थिक बर्षको अन्त्य हुने समय आई सकेकाले सेवा तथा खरिदको भुक्तानि ,योजना छनोट र नियमित काममा समेत असर परेपछि उक्त कदम चाल्न बाध्य भएको पालिकाले जनाएको छ ।

पृथ्वी माविमा माविको  गणित बिषयको दरबन्दिको सट्टामा नेपाली बिषय ल्याउन लागेको भन्दै यसको बिरोधमा तालाबन्दि गरिएको थियो । बिधालय प्रशासनले भने यस बारेमा माविमा गणितको दरबन्दि एउटा मात्र भएपनि बिज्ञान बिषयका दरबन्दि स्थाई र अस्थाई गरि चार  वटा भएकाले बिज्ञान बिषयका शिक्षकले समेत गणित बिषय पढाउन सक्ने र  माविमा एउटा मात्र नेपाली दरबन्दि भएकाले आवश्यकता बमोजिम यसो गरेको बताएको छ ।

बिगतमा पनि आवश्यकता अनुसार बिधालय प्रशासन र ब्यवस्थापन समितिको सहमति अनुसार  सट्टा दरबन्दिमा ल्याउने गरेकाले अहिले पनि सोहि अनुसार निर्णय गरेर जिल्ला शिक्षा समन्वयमा पठाइ सकेपछि समन्वयले पनि  सहमति दिईसकेको  बिधालयले जनाएको छ । तर आन्दोलनरत पक्षले भने गाँउपालिकाको  बिधालय ब्यवस्थापनले गरेको निर्णय पालिकाको शिक्षा नियमावलि अनुसार  पालिकाको शिक्षा शाखाले अनुमोदन गरेर मात्र जिल्ला शिक्षा समन्वय ईकाइमा पठाउनु पर्नेमा त्यसो नगरि पठाएकाले तालाबन्दि गरेको जनाएको छ । आन्दोलनको अगुवाई गरेको एमालेले आज एक  बिज्ञप्ति जारी गर्दै पालिकाको सेवा प्रवाह सुचारु गर्नु भने पनि चार दिनदेखि लगाएको ताला खोल्ने बिषयमा प्रष्ट धारणा  बाहिर ल्याएको छैन ।

लामो ईतिहास बोकेको यस भेगको पुरानो पृथ्वी माध्यमिक बिधालयमा पढेका बिधार्थीहरु नेपाल सरकारको बिभिन्न सेवा अन्तर्गत माथिल्लो तहमा कार्यरत छन् । यहि बिधालयको उत्पादन राम कुमारी नेपाल सरकारको मन्त्रि समेत भैसकेकि छन् । सामान्य एउटा शिक्षक दरबन्दिको निहुमा राजनितिक प्रतिशोध साँधेर गाँउपालिकामा तालाबन्दि हुनु चिन्ताको  बिषय भएको स्थानियले बताएका छन् ।

नागरिक अनलाइन

लेखकबाट थप

• सोमवार, जेठ ८ २०८००३:२७:२८

• नेपाली काँग्रेस रुपन्देही २ (ख) को पदस्थापन,कांग्रेस बलियो बनाउने प्रतिबद्धता

• बुटवलको शुक्रपथमा दीपावली सडक खाना महोत्सव

• बुद्ध सिटी डेन्टल र आईएमई लाइफवीच सम्झौतामा हस्ताक्षर ,उपचारमा छुट दिइने

• भिजन लुम्बिनीको आईपीओ निष्कासन प्रक्रिया अघि बढ्यो, बिक्री प्रबन्धकमा मुक्तिनाथ क्यापिटल

• बुटवलको जितगढी किल्लामा सार्वजनिक सुनुवाइ सम्पन्न,के - के उठे प्रश्न ?