बुटवल,वैशाख २६ ।

नेपाल पत्रकार महासंघ लुम्बिनी प्रदेश समितिले पत्रकारिता क्षेत्रमा क्रियासिल नरहेकाहरुलाई स्वेच्छिक रुपमा सदस्यता त्याग गर्न आग्रह गरेको छ ।

पत्रकारिता क्षेत्रमा क्रियासिल नरहेका र स्वेच्छिक रुपमा सदस्यता त्याग गर्ने सबै सदस्यहरुलाई सम्मान सहित विदा गर्ने र आबश्यक्ता अनुसार मानार्थ सदस्यता प्रदान गर्ने महासंघ लुम्बिनी प्रदेश समितिले बताएको छ । लुम्बिनी प्रदेशका १२ जिल्लामा झण्डै १८ सय जना नेपाल पत्रकार महासंघका साधारण सदस्य छन् ।

महासंघका प्रदेश महासचिव बिक्रम खड्काले एक प्रेस विज्ञप्ति जारी गरि गएको पुस ८ र ९ गते सुर्खेतमा भएको साधारण सभाले बनाएको सदस्यता शुद्धिकरण समितिले प्रस्ताव गरे अनुशार लुम्बिनीमा भएको राष्ट्रिय मिडिया सम्मेलन र केन्द्रिय समितिको बैठकले पारित गरेको सदस्यता शुद्धिकरण मापदण्ड अनुसार पत्रकारिता क्षेत्रमा सक्रिय नरहेका ब्यक्तिहरुलाई सदस्यता त्याग गर्न आब्हान गरेका हुन् । 

पत्रकार महासंघका नयाँ मापदण्ड अनुसार पत्रकारिता पेशामा तीन बर्ष देखि सक्रिय नरहेको, राजनितिक दलको कुनैपनि समितिको पदाधीकारी रहेको, जनप्रतिनिधि रहेको, सरकारी, तथा सेवा आयोगको स्थायी/अस्थायी र करार सेवाको कर्मचारी, मिडिया संस्थान बाहेक अन्य सस्थानका कर्मचारीको सदस्यता नवीकरण नहुने महासंघका महासचिव खड्काको भनाई छ ।

मुख्य पेशा पत्रकारिता बाहेक अन्य रहेका, कहिलेकाही मात्र पत्रकारिता गर्ने गैर सरकारी तथा वित्तीय क्षेत्रका कर्मचारी र ६ महिना भन्दा लामो समयदेखि विदेशमा रहेका व्यक्तिहरुको सदस्यता नवीकरण नगर्ने केन्द्रिय समितिले परिपत्र गरसकेकाले स्वेच्छिक सदस्यता त्याग गर्न आग्रह गरिएको नेपाल पत्रकार महासंघका लुम्बिनी प्रदेशका अध्यक्ष बसन्त गिरीको भनाई छ ।

नागरिक अनलाइन

लेखकबाट थप

• सोमवार, बैशाख २५ २०८००६:०७:२२

• Tags:

  # नेपाल पत्रकार महासंघ लुम्बिनी

• नेपाली काँग्रेस रुपन्देही २ (ख) को पदस्थापन,कांग्रेस बलियो बनाउने प्रतिबद्धता

• बुटवलको शुक्रपथमा दीपावली सडक खाना महोत्सव

• बुद्ध सिटी डेन्टल र आईएमई लाइफवीच सम्झौतामा हस्ताक्षर ,उपचारमा छुट दिइने

• भिजन लुम्बिनीको आईपीओ निष्कासन प्रक्रिया अघि बढ्यो, बिक्री प्रबन्धकमा मुक्तिनाथ क्यापिटल

• बुटवलको जितगढी किल्लामा सार्वजनिक सुनुवाइ सम्पन्न,के - के उठे प्रश्न ?