काठमाडौं,बैशाख २३ ।

सत्ता गठबन्धनको बैठकले सरकारले विश्वासको मत लिन नपर्ने निष्कर्ष निकालेको छ। बालुवाटारमा शनिबार सत्ता साझेदार दलको बैठकले विश्वासको मत लिन नपर्ने निष्कर्ष निकालेको हो।

राष्ट्रिय स्वतन्त्र पार्टीले सरकारलाई दिएको समर्थन फिर्ता लिएपछि प्रधानमन्त्री पुष्पकमल दाहाल प्रचण्डले विश्वासको मत लिनुपर्ने बहस सिर्जना भएको छ। यद्यपि संविधानविद्हरू नै यस विषयमा एकमत छैनन्।

त्यस्तै बैठकले भोलिदेखि सुरु हुने संसदको बजेट अधिवेशनलाई व्यवस्थित बनाउने विषयमा छलफल भएको माओवादीका प्रमुख सचेतक हितराज पाण्डेले बताए।

उनले भोलिको बैठकमा सरकारको सिद्धान्त र प्राथमिकताका विषयमा भोलिको संसदमा कुरा राख्ने हुँदा गठबन्धन बैठकमा सोही विषयमा केन्द्रित भएको बताए। त्यसबाहेक बैठकमा नागरिकता विधेयक, संघीय निजामती ऐन, शिक्षा ऐन, संवैधानिक परिषद् विधेयकका विषयमा छलफल भएको पाण्डेको भनाइ छ।

नागरिक अनलाइन

लेखकबाट थप

• शनिवार, बैशाख २३ २०८०१०:०४:५६

• Tags:

  # विश्वासको मत

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा