बुटवल,वैसाख १८ ।

मानव अधिकार तथा शान्ति समाज रूपन्देहीले अन्तराष्ट्रिय श्रमिक दिवसको अवसरमा आर्थिक सहयोग प्रदान गरेको छ  । बिगत १८ बर्षदेखि निर्माणका क्षेत्रमा मजदुरी गर्दै आएका र  ३ महिनादेखि  पक्षघातका कारण बिस्तरामा थलापरेका बुटवल १० रामनगरका होमबहादुर डाला मगरलाई आर्थिक सहयोग तथा फलफूल वितरण गरिएको समाजका रुपन्देही सभापति कृष्ण भट्टराइ (खिम)ले जानकारी दिए ।

बोल्नै नसक्ने र एक हर नचल्ने अवस्थामा रहेका ४७ बर्षिय डाला मगरका श्रीमती मन्जु मगर, छोरा मदन राना र छोरी महिमा राना मगर रहेका छन्  । बुटवलमा २३ बर्षदेखि भाडाको घरमा बस्दै आएपनि अहिले घरका मूली नै थला परेपछि उनीहरुको परिवारको आर्थिक स्थिती दयनीय रहेको छ ।

उनीहरुलाइ राहत र घाउमा मल्हम लगाउन  श्रमको सम्मान स्वरुप नगद ५ हजार रुपैँया र फलफूल सहयोग गरिएको उपसभापति कपिल ज्ञवालीले बताए ।

आर्थिक सहयोग हस्तान्तरण कार्यक्रममा काउनका केन्द्रिय निवर्तमान अध्यक्ष जेबि गुरुङ, सभापति कृष्ण भट्टराइ (खिम),उपसभापति भापति कपिल ज्ञवाली,सचिव कृष्ण पाण्डे,पत्रकार स्वस्तिक श्रेष्ठ लगायतले बोल्दै श्रमको सम्मान गर्ने र सामाजिक सुरक्षालाइ कढाईका साथ लागु गर्नुपर्ने बताएका छन् ।

आर्थिक सहयोग ग्रहण गर्ने परिवारका तर्फबाट श्रीमती मन्जु मगरले सहयोग गरेकोमा धन्यबाद दिदै आगामी दिनमा पनि सक्दो सहयोगको अपेक्षा गर्नुभयो । सो अबसरमा मानव अधिकार तथा शान्ति समाज रूपन्देहीका पदाधिकारी,सदस्य तथा शुभेच्छुकहरुको सहभागिता रहेको थियो ।

नागरिक अनलाइन

लेखकबाट थप

• सोमवार, बैशाख १८ २०८००२:५९:३६

• Tags:

  # आर्थिक सहयोग # मानव अधिकार तथा शान्ति समाज रूपन्देही

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा