शनिवार, बैशाख १६ २०८०

‘प्रथम बुटवल मेयर कप टि ट्वान्टी क्रिकेट प्रतियोगिता’ बैशाख १८ देखि हुने

नागरिक अनलाइन

1.2K

‘प्रथम बुटवल मेयर कप टि ट्वान्टी क्रिकेट प्रतियोगिता’ बैशाख १८ देखि हुने

बुटवल,बैसाख १६ ।

रुपन्देहीमा प्रथम बुटवल मेयर कप टि ट्वान्टी क्रिकेट प्रतियोगिता २०८० हुने भएको छ । बुटवल क्रिकेट विकास समितिको आयोजना तथा बुटवल उपमहानगरपालिकाको आर्थिक सहयोगमा पहिलो पटक प्रथम बुटवल मेयर कप टि–ट्वान्टी क्रिकेट प्रतियोगिता २०८० हुने भएको हो ।

पालिकास्तरका युवा क्रिकेट खेलाडीहरुलाई प्लेटफर्म दिने उद्देश्यका साथ बैशाख १८ गतेबाट शुरु हुने प्रतियोगिताको तयारी पूरा भएको बुटवल क्रिकेट विकास समितिको अध्यक्ष अमित श्रेष्ठले जानकारी दिनभयो ।

यसैबिच समितिका वरिष्ठ उपाध्यक्ष रोमित बज्राचार्य र उपाध्यक्ष अनिल सेन्चुरीले बुटवल टिमको जर्सी सार्वजनिक गर्दै टिम क्याप्टेन भुवन पाण्डेलाई हस्तान्तरण गर्नुभएको छ । press meet soprt.jpg
नरेश्वर क्रिकेट मैदानमा दैनिक २ खेल टि–ट्वान्टी फरमेटमा हुने अध्यक्ष श्रेष्ठले बताउनुभयो । प्रतियोगितामा बुटवल, तिलोत्तमा, सैनामैना, देवदह, सिद्धार्थनगर, लुम्बिनी सास्कृतिक नगरपालिका गरी ६ टिम प्रतियोगिताको उपाधि भिडन्त गर्ने भएका छन ।

प्रतियोगिता आयोजना गर्न बुटवल उपमहानगरपालिकाले ५ लाख बजेट विनियोजन गरिको छ । प्रतियोगितामा टिम दर्ता निशुल्क गरिएको छ ।

समितिबाट उजरसिंह ट्रफि समेत खेलाईदै आएको र यसपटक विजेता वेष्ट्रन क्रिकेट एकेडेमी रहेकाले यसलाई नै बुटवल टिमको खेलाडीहरु छनौटको जिम्मा दिईएको उहाले बताउनुभयो । म्याटमा खेलाईने खेल लिग कप नकआउट आधारमा हुने छ ।

प्रतियोगिताको उपाधि विजेताले नगद ५० हजार रुपैया, कप, मेडल र प्रमाणपत्रबाट पुरस्कृत गरिने समितिका सचिव पुनित पोखरेलले बताउनुभयो । यसैगरि उपविजेता टिमले नगद २५ हजार रुपैया, मेडल, प्रमाणपत्र, म्यान अफ द सिरिजलाई नगद ५ हजार रुपैया, उत्कृष्ट बलर, ब्याट्सम्यानलाई नगद २ हजार ५ सय रुपैया, कप, प्रमाणपत्रबाट पुरस्कृत गरिने छ ।

प्रतियोगिताको उद्घाटन खेल आयोजक बुटवल र सैनामैनाका बिचमा हुने छ । फाईनल खेल भने २२ गते हुनेछ । ४ दिनसम्म चल्ने प्रतियोगितामा ६ लाख ५० हजार खर्च हुने अनुमान गरिएको छ ।

नागरिक अनलाइनमा प्रकाशित कुनैपनि सामग्रीबारे गुनासो,सूचना तथा सुझाव भए हामीलाई nagarikonlinenews@gmail.com मा पठाउनुहोला।)