बुटवल, बैशाख १२  ।

लुम्विनी प्रदेशमा बैसाख १४ गतेभित्रै नयाँ सरकार बन्ने भएको छ । आज  प्रदेश प्रमुख अमिक शेरचनले संविधानको धारा १६८ को उपधारा (२) अनुसार नयाँ सरकार गठनका लागि आह्वान गर्नुभएको छ । प्रदेश प्रमुखको कार्यालय बुटवलले मंगलवार जारी गरेको विज्ञप्तिमा वैशाख १४ गते अपरान्ह ४ बजेभित्र नयाँ सरकार गठनका लागि प्रदेश प्रमुखले आह्वान गर्नुभएको उल्लेख छ ।

संविधानको धारा १६८ को उपधारा २ अनुसार दुई वा दुईभन्दा बढी दल मिलेर सरकार गठनका लागि प्रदेश प्रमुखले आह्वान गर्नुभएको हो ।  

लुम्विनीमा नेकपा (एमाले) संसदीय दलका नेता लिला गिरी नेतृत्वको सरकारले प्रदेश सभाबाट सोमबार विश्वासको मत गुमाएको थियो । सोपछि मुख्यमन्त्री गिरी पदमुक्त हुनुभएको थियो ।

प्रदेश प्रमुखले संविधानको धारा १६८ (२) अनुसार सरकार गठनका लागि आह्वान गर्नु भएकाले लुम्विनी प्रदेशमा अब कांग्रेसको नेतृत्वमा नयाँ सरकार बन्ने सम्भावना छ । 

मुख्यमन्त्रीमा नेपाली कांग्रेसका संसदीय दलका नेता डिल्लीबहादुर चौधरीले ५३ जना सांसदको हस्ताक्षरसहित एक महिनाअघि नै नयाँ सरकार गठनका लागि दावी गर्नुभएको थियो ।

• लुम्बिनी प्रदेशका मुख्यमन्त्री लिला गिरी पदमुक्त

नागरिक अनलाइन

लेखकबाट थप

• मंगलवार, बैशाख १२ २०८०१०:०३:३५

• Tags:

  # प्रदेश प्रमुख अमिक शेरचन # लुम्बिनी प्रदेश सरकार # नयाँ सरकार गठन # संविधानको धारा १६८ (२)

• होटल पौवाद्वारा प्रधानमन्त्री दैवी प्रकोप उद्धार कोषमा ११ लाख रुपैयाँ सहयोग

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग

• कांग्रेस क्षेत्र नम्बर–२ रुपन्देहीद्वारा विपद् व्यवस्थापन कोषमा ५१ हजार योगदान