बुटवल,बैसाख ११ ।

विश्वासको मत नपाएपछि लुम्बिनी प्रदेशका मुख्यमन्त्री लिला गिरि पदमुक्त भएका छन्। गिरिले प्रस्तुत गरेको विश्वासको मतको पक्षमा ३३ र विपक्षमा ५३ मत परेको छ । आवश्यक बहुमत संख्या ४४ पुर्याउन नसक्दा लुम्बिनीमा गिरी सरकार ढलेको हो। यहाँ ८७ सांसद छन् ।

गिरीको पक्षमा उनकै पार्टी एमालेका २९ र राप्रपाका ४ सांसदले मात्र मत दिएका थिए।नेपाली कांग्रेस, नेकपा माओवादी केन्द्र, नागरिक उन्मुक्ती पार्टी, जनता समाजवादी पार्टी, जनमत पार्टी, लोकतान्त्रिक समाजवादी पार्टी, राष्ट्रिय जनमोर्चा, एकिकृत समाजवादी र स्वतन्त्र सांसदले विपक्षमा मतदान गरेका थिए। 

पुस २७ गते लुम्बिनीको माओवादी केन्द्रसहितका दलको समर्थनमा मुख्यमन्त्री नियुक्त भएका गिरिले फागुन ५ गते पहिलो पटक प्रदेश सभाबाट विश्वासको मत लिएका थिए। 

केन्द्रमा नेकपा माओवादी केन्द्रले नेकपा एमालेसँगको सहकार्य तोडेर कांग्रेससँग गठबन्धन गरेपछि लुम्बिनी प्रदेशमा पनि त्यसको असर परेको हो।

गिरी नेतृत्वको सरकारलाई साथ दिएका माओवादी केन्द्र सहित ६ दलले गत चैत १२ गते समर्थन फिर्ता लिएका थिए। अब कांग्रेस नेता डिल्ली चाैधरी मुख्यमन्त्री बन्ने दाउमा छन् ।

• • लुम्बिनी प्रदेश : जनमत पार्टीले पनि छाड्यो सरकार
  • लुम्बिनी प्रदेश सरकार अल्पमतमा,नेकपा (माओवादी केन्द्र) बाहिरियो
  • लुम्बिनी प्रदेशमा कांग्रेसका डिल्ली चौधरीलाई मुख्यमन्त्री बनाउन माग,५४ सांसदको हस्ताक्षर

कल्पना डुम्रे

लेखकबाट थप

• सोमवार, बैशाख ११ २०८००७:३४:५५

• Tags:

  # पदमुक्त # मुख्यमन्त्री लिला गिरी # लुम्बिनी प्रदेश

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा