बुटवल,बैसाख ३।

बुटवलका घरधनी मृगेन्द्रकुमार शेरचनले आफ्ना व्यवसायिक सटरहरुको १५ देखि २० प्रतिशत घरबहाल छुट दिने घोषणा गरेका छन् । बुटवल उपमहानगरपालिका वडा नं ५ अमरपथका शेरचनले आफ्ना व्यवसायीक सटरहरुको एक वर्ष सम्मका लागि घरबहाल छुट दिने बताए ।

पछिल्लो समय देशमा देखिएको चरम आर्थिक मन्दीका कारण मारमा परेका व्यवसायीहरुलाई सहुलियत दिने उद्देश्यले हालको घरबहाललाई छुट दिएर पुरानै बहाल शुल्कलाई कायम गरिने भएको छ ।

शरेचनले यसअघि कोरोना महामारीका बेला लकडाउनले मारमा परेका व्यवसायीहरुलाई ३ महिनाको घरबहालमा छुट दिएर पश्चिम नेपालको पहिलो घरधनीको रुपमा परिचित भएका थिए । सो क्रममा शरचनले छुट गरेपछि पश्चिम नेपालसहित मध्य तथा सुदूरपश्चिमसम्म धेरै घरधनीहरुले छुट दिएको घोषणा गरेका थिए।

शेरचनले भने, ‘पछिल्लो समय देश आर्थिक संकट, चरम महँगीले सीमा नाघेको छ । जसले गर्दा घरबहाल तिरेर व्यवसाय गर्नेहरु थप मारमा परेका छन् । व्यापारिक शहर बुटवल दिनप्रतिदिन सुनसान बन्दै गएको छ। त्यसैले घरधनीले बहाललाई केही छुट सकेमात्रै  व्यवसायीहरु टिक्ने भएकाले आफूले वहालमा छुट दिने घोषणा गरेको हुँ । ’

गत बैशाख ३० गतेको स्थानीय निकायको निर्वाचनमा राप्रपाबाट बुटवल उपमहानगरपालिकाको मेयर पदमा निर्वाचन लडेका शेरचनले नगरभित्र रहेको चर्को घरबहाललाई वैज्ञानिक रुपमा लगेर बुटवललाई पहिलेको जस्तै गुल्जार बनाउने जस्ता योजना ल्याउन बुटवल उपमहानगरलाई सुझाव दिए ।

यस्तै समय रहने र बहाल बढ्दै जाने हो भने शहरमा कोही बस्न नसक्ने उनले बताए । 

नागरिक अनलाइन

लेखकबाट थप

• आइतवार, बैशाख ३ २०८००९:२८:०४

• Tags:

  # घरबहाल छुट # मृगेन्द्रकुमार शेरचन

• नेपाली काँग्रेस रुपन्देही २ (ख) को पदस्थापन,कांग्रेस बलियो बनाउने प्रतिबद्धता

• बुटवलको शुक्रपथमा दीपावली सडक खाना महोत्सव

• बुद्ध सिटी डेन्टल र आईएमई लाइफवीच सम्झौतामा हस्ताक्षर ,उपचारमा छुट दिइने

• भिजन लुम्बिनीको आईपीओ निष्कासन प्रक्रिया अघि बढ्यो, बिक्री प्रबन्धकमा मुक्तिनाथ क्यापिटल

• बुटवलको जितगढी किल्लामा सार्वजनिक सुनुवाइ सम्पन्न,के - के उठे प्रश्न ?