बुटवल,चैत १५ ।

नेकपा एमालेका अध्यक्ष तथा पूर्व प्रधानमन्त्री केपी शर्मा ओलीले बर्तमान गठबन्धन सरकारले मुलुकको अर्थतन्त्रलाइ सखाप पारेको आरोप लगाउनुभएको छ ।

पछिल्लो डेढ वर्षको अवधिमा अर्थतन्त्रलाई ध्वस्त पारिएको बताउँदे उहाले गठबन्धन सरकारलाई बाली सखाप पार्ने ‘सलह’को रुपमा टिप्पणी गर्नुभयो ।

‘पछिल्लो डेढ वर्षमा राजश्व संकलन छैन, विदेशी मुद्राको सञ्चिती छैन, बैंकमा पैसा छैन, मुलुकमा मुद्राको अभाव छ ।’‘एकैछिनमा सबै स्वाहः अलक्षिन पसे जस्तो भएको छ ।’उहाँले भन्नुभयो ।

मिसन ग्रासरुट अभियान अन्तरगत बुधबार रुपन्देहीको तिलोत्तमामा नेता कार्यकर्ताहरुर्ला सम्बोधन गर्दै ओलीले गठबन्धन सरकार बनेपछि डेढ वर्षको अवधिमा हुँदै गरेका, हुने गरेका तथा परेका आयोजनाहरु पनि ठप्प पारिएको आरोप लगाउउनुभयो ।
अर्थतन्त्रलाई सलहले बानी नष्ट गरेजस्तै १० दलको गठबन्धन सरकारले एकैछिनमा सखाप पारेको उहाको भनाइ छ । वर्तमान सरकारसँग मुलुकको नेतृत्वका लागि स्पष्ट नीति नभएको उल्लेख गर्दै उनीहरुसँग देश बनाउने संकल्प नभएको आरोप लगाउनुभयो ।

अध्यक्ष ओलीले कम्युनिष्टको आवरणमा वास्तविक कम्युनिष्ट पार्टीलाई ध्वस्त पार्ने षड्यन्त्र भएको उल्लेख गर्नुभयो ।
नेकपा माओवादी केन्द्र तथा नेकपा एकीकृत समाजवादी पार्टीतर्फ इंगित गर्दै उनले कम्युनिष्टको नाममा पूँजीवादी मान्ने कांग्रेसको पछि कुद्ने गरेको उल्लेख गर्नुभयो ।

‘काँग्रेसका पछि स्वाँ–स्वाँ र फ्वाँ फ्वाँ गर्दै कुद्नेहरु समाजवादी ?’–माधन नेपाल नेतृत्वको समाजवादी पार्टीलाई कम्युनिष्ट र समाजवादी पार्टी नभएको ब्याङ्ग्या गर्दै ओलीले भन्नुभयो ‘कण्ठी बाड्दैमा, रुद्राक्षको माला लगाउँदैमा यसले मासु खाँदैन भन्न मिल्दैन । बाहिर देखाउँदैनमा सबै चिज सत्य हुँदैन ।’ कम्युनिष्ट पार्टी फुटाएर पूँजीवादीको पुच्छर बन्दै समाजवादी नाम राखेर भ्रमित बनाउने काम भएको उहाँले टिप्पणी गर्नुभयो ।

नागरिक अनलाइन

लेखकबाट थप

• बुधवार, चैत्र १५ २०७९०८:०५:५७

• Tags:

  # केपी शर्मा ओली

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा