मंगलवार, चैत्र १४ २०७९

शिविरमा ७२ जना पत्रकारको नि:शुल्क आँखा परीक्षण

नागरिक अनलाइन

1.6K

शिविरमा ७२ जना पत्रकारको नि:शुल्क आँखा परीक्षण

बुटवल, चैत १४ ।

नेपाल पत्रकार महासंघको ६८ औं स्थापना दिवसको अवसरमा मंगलबार रुपन्देहीका पत्रकारहरुका लागि नि:शुल्क आंखा जांच गरिएको छ । नेत्र ज्योति संघको प्राविधिक सहयोगमा नेपाल पत्रकार महासंघ लुम्बिनी प्रदेश र जिल्ला समिति रुपन्देहीको आयोजनामा निशुल्क आखां जांच गरिएको हो ।

आँखा जाँच अघि आयोजित संक्षितप्त शुभारम्भ कार्यक्रममा बोल्दै नेपाल पत्रकार महासंघ रुपन्देहीका पूर्व अध्यक्ष एंव सल्लाहकार डा. बालकृष्ण चापागाईले पत्रकारहरुको स्वास्थ्यलाई मध्यनजर गरि महासंघले आँखा शिविर राखेर राम्रो काम गरेको बताए ।

कार्यक्रममा नेत्रज्योती संघ रुपन्देहीका सभापती कमलराज जोशीले देशैभर पत्रकारका लागि निशुल्क आँखा शिविर आयोजना गर्ने समझदारी अनुसार रुपन्देहीमा शिविर गरिएको बताए । उनले पत्रकारहरुले समाजका लागि निकै महत्वपूर्ण काम गरेको बताउँदै नेत्रज्योती संघको ४५ औं स्थापना दिवसको अवसर पारेर सहकार्य गर्न पाउदा खुशी लागेको बताए ।

त्यस्तै लुम्बिनी नेत्रविज्ञान अध्ययन संस्थान रणअम्बिका आँखा अस्पतालका निर्देशक प्रा डा ज्ञानेन्द्र लामिछानेले आँखामा समस्या आउदा पनि रोग पालेर बस्ने बानी धेरैजसोमा रहेकाले त्यसो नगर्न सुझाव दिए । नेपाल पत्रकार महासंघ रुपन्देहीका अध्यक्ष रामराज पोख्रेलले पत्रकारहरु दैनिक रुपमा कप्यूटर,ल्यापटप जस्ता उपकरणसँग खेल्नुपर्ने भएकाले महासंघको केन्द्रीय कार्यक्रम अनुसार आँखा शिवर राखिएको बताए । aakha sibir fnj.jpg

रुपन्देहीका पत्रकारहरुका लागि आयोजना गरिएको निशुल्क आँखा जाँचमा ७२ जनाले परीक्षण गराएका छन । यसमध्ये ५८ जनालाई औषधी र १७ जनाको दृष्टिदोष देखिएकाले चस्मा वितरण गरिएको महासंघ रुपन्देहीका सचिव विनोद परियारले जानकारी दिए ।

शिविरमा नेत्रज्योती संघ रणअम्बिका आँखा अस्पताल भैरहवाका बरिष्ठ नेत्र अधिकृत एंव कार्यक्रम संयोजक सञ्जिव अधिकारीको नेतृत्वमा स्वास्थ्यकर्मीहरु खटिएका थिए ।

नागरिक अनलाइनमा प्रकाशित कुनैपनि सामग्रीबारे गुनासो,सूचना तथा सुझाव भए हामीलाई nagarikonlinenews@gmail.com मा पठाउनुहोला।)