बुटवल,चैत्र ५ ।

चलचित्र कलाकारहरूको छाता संस्था ‘नेपाल चलचित्र कलाकार संघ’को अध्यक्षमा मोहन निरौला निर्वाचित भएका छन् । शनिवार राजधानीमा सम्पन्न संघको १९ औं साधारणसभापश्चात भएको निर्वाचनमा प्रतिद्वन्द्वी रेजिना उप्रेतीलाई २६ मतले हराउँदै निरौला अध्यक्षमा निर्वाचित भएका हुन् ।

निरौलाले २ सय ३५ मत पाए भने उप्रेतीले २ सय ९ मत मात्र प्राप्त गरेकी छिन् ।झन्डै ७ सय सदस्य रहेको संघको निर्वाचनमा ४ सय ६८ जनाले मात्रै मतदान गरेका थिए । 

संघको उपाध्यक्षमा कविता गेलाल र शिवहरी नेपाल ‘वैरागी’ निर्वाचित भएका छन् भने महासचिवमा सबिन श्रेष्ठ निर्वाचित भएका छन् ।

उपाध्यक्षमा ७ जनाको उम्मेदवारी परेको थियो भने महासचिवमा ५ जना उम्मेदवार थिए ।सचिव पदमा जीवन थापालाई पराजित गर्दै रामेश्वर बुर्लाकोटी निर्वाचित भएका छन् । त्यस्तै विनोद कुमार भट्टराईलाई हराउँदै कोषाध्यक्षमा सुनिल कटुवाल निर्वाचित भएका छन् ।

सह–कोषाध्यक्षमा पवित्रा आचार्य यसअघि नै निर्विरोध निर्वाचित भइसकेकी छन् । त्यस्तै सदस्यमा उद्धवप्रसाद भट्टराई, गोपाल ढकाल ‘छन्दे’, शितल केसी, पवन केसी, रोशन श्रेष्ठ, रञ्जना खड्का ‘खुश्वु’, नम्रता खरेल, पुकार भट्टराई, सरिता राजोपाध्याय र समीर लामा तामाङ निर्वाचित भएका छन् । 

सदस्यमा २५ जनाको उम्मेदवारी परेको थियो । शनिवार राती ११ गते मतगणना सकिएको थियो ।

नागरिक अनलाइन

लेखकबाट थप

• आइतवार, चैत्र ५ २०७९१०:०२:२६

• Tags:

  # चलचित्र कलाकार संघ

• नेपाली काँग्रेस रुपन्देही २ (ख) को पदस्थापन,कांग्रेस बलियो बनाउने प्रतिबद्धता

• बुटवलको शुक्रपथमा दीपावली सडक खाना महोत्सव

• बुद्ध सिटी डेन्टल र आईएमई लाइफवीच सम्झौतामा हस्ताक्षर ,उपचारमा छुट दिइने

• भिजन लुम्बिनीको आईपीओ निष्कासन प्रक्रिया अघि बढ्यो, बिक्री प्रबन्धकमा मुक्तिनाथ क्यापिटल

• बुटवलको जितगढी किल्लामा सार्वजनिक सुनुवाइ सम्पन्न,के - के उठे प्रश्न ?