काठमाडौँ, चैत १ ।

दक्षिण एसियाली क्षेत्रीय सहयोग सङ्गठन (सार्क) मा नयाँ महासचिवको नियुक्ति प्रक्रिया सुरु भएको छ। सार्कको नियमअनुसार महासचिवको पालोमा अफगानिस्तान रहे पनि उसको वर्तमान सदस्यताको विषय सर्वस्वीकार्य नभएका कारण नयाँ महासचिव बङ्गलादेशका लागि प्रस्ताव भएको छ। 

सार्कको अध्यक्ष मुलुक नेपाल रहेकाले नेपालका तर्फबाट बङ्गलादेशका वरिष्ठ कूटनीतिज्ञ गोलाम सरवरलाई नयाँ महासचिव बनाउन प्रस्ताव गएको हो। निवर्तमान महासचिव एसाला रुवान विराकुनको कार्यकाल यही फागुन १७ गते सकिएपछि नयाँ महासचिवको नियुक्ति प्रक्रिया अघि बढेको परराष्ट्र मन्त्रालयले जनाएको छ।

मन्त्रालयको क्षेत्रीय सङ्गठन विभागका अनुसार सार्क महासचिव नियुक्तिको विषय अहिले प्रस्तावित विषय मात्र रहेको र त्यसले अन्तिम रूप पाउन बाँकी छ। प्रस्तावित विषयमा सार्कका सदस्य मुलुक सबैले सहमति नदिएसम्म नियुक्तिले वैधानिकता नपाउने प्रावधान छ।

त्यसैले यो प्रक्रियाको चरणमा रहेको र त्यसको अन्तिम निष्कर्ष आउन बाँकी रहेको मन्त्रालयले जनाएको छ। अफगानिस्तानपछि बङ्गलादेशकै पालो रहेकाले पनि नेपालको प्रस्तावमाथि सहमति हुने अपेक्षा गरिएको छ। अफगानिस्तानलाई नयाँ सदस्यका रूपमा थपिएको हो। पछिल्लो समय अफगानिस्तानमा भएको राजनीतिक परिवर्तनलाई कतिपय सार्क मुलुकले मान्यता नदिएका कारण पनि प्रस्तावको प्रक्रिया अघि बढ्न नसकेको हो।

नागरिक अनलाइन

लेखकबाट थप

• बुधवार, चैत्र १ २०७९०८:१४:२३

• Tags:

  # महासचिव # सार्क # दक्षिण एसियाली क्षेत्रीय सहयोग सङ्गठन (सार्क)

• होटल पौवाद्वारा प्रधानमन्त्री दैवी प्रकोप उद्धार कोषमा ११ लाख रुपैयाँ सहयोग

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग

• कांग्रेस क्षेत्र नम्बर–२ रुपन्देहीद्वारा विपद् व्यवस्थापन कोषमा ५१ हजार योगदान