बुटवल,फागुन १५ ।

आज ४१ औं मगर स्थापना दिवस । मगर स्थापना दिवसको अवसरमा लुम्विनी प्रदेशका सभामुख तुलाराम घर्ती मगरले लुम्विनी प्रदेश तथा देश–विदेशमा रहनु भएका सम्पुर्ण मगर समुदाय एवं गैर मगर समुदायमा शुभकामना व्यक्त गर्नु भएको छ  ।  
सोमवार शुभकामना सन्देश जारी गुर्नहुदै सभामुख घर्तीमगरले समुदायले नेपालको आर्थिक, राजनीतिक, सांस्कृतिक तथा सामाजिक क्षेत्रमा महत्वपुर्ण भूमिका खेलेको उल्लेख गर्नु भएको छ । विभिन्न जातजाती भाषा भाषी भएको सुन्दर मुलुक नेपालमा अझै सुन्दरता थप्न यो समुदायको विशेष भूमिका रहेको उहाले उल्लेख गर्नु भएको छ ।  

‘नेपाल बहुभाषीक बहुजातीय र बहुसांस्कृतिक विविधता भएको सुन्दर मुलुक हो । यहां विभिन्न जातजातिको आफ्नै भाषा, संस्कृति र मौलिक पहिचान छ । मगर समुदायको इतिहास, भाषा, संस्कृति तथा जातीय मौलिकताको संरक्षण र सम्वद्र्धनमा यो दिवसले महत्वपूर्ण भूमिका खेल्ने विश्वास लिएको छु ।‘ शुभकामना सन्देशमा उल्लेख छ ।

मगर जातिको विशेषता भनेको सोझो, मेहनती इमान्दारी, देशभक्त, कर्मठ र विश्वासीलो रहेको यो विशेषतालाई कायम राख्न र संस्कृतीको संरक्षण गर्न आधुनिकतासंगै चुनौती थपिएको उहांले उल्लेख गर्नुभएको छ । सभामुख घर्ती मगरले नयां पुस्तालाई आफ्नो मौलिक पहिचान र सांस्कृतीक पहिचानहरुलाई प्रवद्र्धन र संरक्षण गर्न समेत अपिल गर्नु भएको छ ।  

उहांले विश्वभर छरिएर रहेका मगर समुदायको आफ्नो पहिचानलाई जोगाउनु आवश्यक छ र सबै मगर समुदायलाई एकताको मालामा गांस्ने दिनको रुपमा मगर दिवसलाई मनाउनु पर्ने शुभकामना सन्देशमा उल्लेख गर्नु भएको छ  ।

नागरिक अनलाइन

लेखकबाट थप

• सोमवार, फाल्गुण १५ २०७९१०:१०:०७

• Tags:

  # सभामुख तुलाराम घर्तीमगर # मगर समुदाय

• स‌द्भाव नै हाम्रो धर्म, एकता नै हाम्रो शक्ति भन्ने मूल नारासहित बुटवलमा सद्भाव र्‍याली

• मुक्तिनाथ धाममा ब्यास जयन्ती तथा गुरुपूर्णिमा महोत्सव (फोटोफिचर)

• १०७ युनिट रगत संकलन गरेको गुल्मेली सम्पर्क समाज रुपन्देही सम्मानित

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन