बुटवल,माघ २९ ।

लुम्बिनी प्रदेशका नवनियुक्त मन्त्रीहरुले पद तथा गोपनीयताको शपथ लिनुभएको छ । प्रदेश प्रमुख अमिक शेरचनले नवनियक्त मन्त्रीलाई शपथ गराउनुभएको हो । 

आइतबार १ बजेका लागि शपथ ग्रहणको कार्यक्रम तय भएको भए पनि हावाहुरीले प्रदेशसभा परिसरमा टाँगिएको त्रिपाल उडाएपछि केहीबेर ढिलो भएको थियो ।  आर्थिक मामिलामन्त्री जोखबहादुर महरा, भौतिक पूर्वाधार विकासमन्त्री इन्द्रजित थारु, स्वास्थ्यमन्त्री विष्णुप्रसाद पन्थी, वन तथा वातावरणमन्त्री दुर्गाप्रसाद चौधरी, उद्योग पर्यटन तथा यातायात व्यवस्थामन्त्री जानकीप्रसाद यादव, कृषि तथा भूमि व्यवस्थामन्त्री तुलसीराम शर्मा र सामाजिक विकासमन्त्री चन्द्रकेश गुप्ताले शपथ लिनुभएको हो । 

लुम्बिनीमा ठीक एक महिनापछि मन्त्रिपरिषद्लाई पूर्णता दिइएको पाएको छ । गत पुस २८ मा शपथ लिएका मुख्यमन्त्री लीला गिरीले माघ २८ मा मन्त्रिपरिषद्लाई पूर्णता दिनुभएको हो । 

यसअघि विना विभागीय रहेका दुई जना मन्त्रीलाई समेत जिम्मेवारी तोकिएको छ । एमालेबाट मुख्यमन्त्रीसहित पाँच, माओवादीबाट ३ र अन्य साना दलबाट एक–एक जनागरी १० जनाको मन्त्रिमण्डल विस्तार गरिएको हो । सत्ता साझेदार दलको बैठकले मन्त्रालय टुङ्गो लागेसँगै मन्त्रीहरुको नाम दलको बैठकबाट निर्णय गरिएको थियो । 

नागरिक अनलाइन

लेखकबाट थप

• आइतवार, माघ २९ २०७९०५:५०:२९

• Tags:

  # लुम्बिनी प्रदेश सरकार # पद तथा गोपनीयताको शपथ

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा