बुटवल,माघ २८ ।

बुटवल–११ देवीनगरस्थित गार्गी एकेडेमीमा शनिबार गार्गी वृहत सांस्कृतिक कार्यक्रम तथा पुरस्कार वितरण कार्यक्रम सम्पन्न भएको छ ।

विद्यालयका अध्यक्ष रणबहादुर थापाको अध्यक्ष तथा बुटवल उपमहानगरपालिका माध्यामिक शिक्षा शाखा प्रमुख टीकाराम पन्थीको प्रमुख आतिथ्यतामा कार्यक्रम भएको थियो ।

सो अवसरमा बोल्दै पन्थीले रूपन्देहीका संस्थागत विद्यालयले शैक्षिक विकासमा ठूलो योगदान पु¥याएको बताए । उनले संस्थागत विद्यालयहरूको प्रतिष्पर्धाले गुणस्तरीय शिक्षा अब्बल हुँदै गएको बताए । विद्यालयका प्राचार्य भुवन अधिकारीले गुणस्तरीय शिक्षाका कारण संस्थागत विद्यालयमा अभिभावकहरूको रूचि बढदै गएको बताए ।

संस्थागत विद्यालय नाफामूलक नभई सेवामूलक संस्थाको रूपमा विकास भएको प्राचार्य अधिकारीको भनाइ छ । 
सो अवसरमा गत वर्षको शैक्षिकतर्फ उत्कृष्ट नतिजा ल्याउने विद्यार्थीलाई पुरस्कार वितरण, राष्ट्रिय तथा अन्तर्राष्ट्रिय खेलाडीलाई सम्मान, शिक्षक सम्मान गरिएको थियो । 

कार्यक्रममा विद्यालयका सञ्चालक जीवन अधिकारी, सल्लाहकार राजेन्द्र ढकाल, भरत पाठक, समाजसेवी मनोहर पाठक, भुवनसिंह विश्वकर्मा लगायतले बोलेका थिए । कार्यक्रममा परम्परा र संस्कृति झल्किने, एकल नृत्य, शिक्षिकाहरुको नृत्य समेत प्रस्तुत गरिएको थियो ।

विद्यालयका झण्डै २ हजार विद्यार्थी अध्ययनरत रहेका छन् । प्राचार्य भुवन अधिकारीको स्वागत तथा शिक्षक नवराज न्यौपानेको सञ्चालनका कार्यक्रम भएको थियो ।

नागरिक अनलाइन

लेखकबाट थप

• आइतवार, माघ २९ २०७९१०:४६:१४

• Tags:

  # गार्गी एकेडेमी # पुरस्कार वितरण

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग

• कांग्रेस क्षेत्र नम्बर–२ रुपन्देहीद्वारा विपद् व्यवस्थापन कोषमा ५१ हजार योगदान

• पहिले र अहिलेका तीज ...