बुटवल,माघ २२ ।

स्वामिनारायण मुक्तिनाथ धाम बुटवल १२ नयाँगाउ, रूपन्देहीमा श्रीमद्भभागवत पुराण प्रवचन,भविष्य पुराण अनुष्ठान सुरू भएको छ ।

विश्व कल्याण,पितृ उद्धार  हेतु आयोजित अनुष्ठानमा धामका प्रमुख संरक्षक ब्रह्मनिष्ठ सन्त शिरोमणी स्वामिलोकानन्दको मुखारविन्दबाट आशिर्वचन तथा वचनामृत प्रवचन एवं अन्तर्राष्ट्रिय कथावाचक आचार्य श्री पवननन्दन ज्ञवालीबाट श्रीमद्भागवत कथा प्रवचन हुनेछ ।

महायज्ञ माघ २९ गतेसम्म चल्नेछ ।अनुष्ठानको लुम्बिनी प्रदेशसभा सदस्य तथा पुर्वमन्त्री भोजप्रसाद श्रेष्ठले उद्घाटन गर्नुभयो । सो अवसरका बोल्दै उहाले धामको विकासका लागि सधै हातेमालो गरिने बताउनुभयो ।

उहाँले मुक्तिनाथ धाम यस क्षेत्रमै नमुना रहेको भन्दै धार्मिक पर्यटनले आर्थिक सामाजिक रूपमा समाज नै बलियो हुने बताउनुभयो । धामका प्रमुख संरक्षक स्वामि लोकानन्दले धर्म संस्कृतिको संरक्षणमा अनुष्ठानहरू गरिरहनुपर्ने बताउनुभयो । उद्घाटनअघि शोभा कलशयात्रा गरिएको मुक्तिनाथ धामका अध्यक्ष धर्मराज शर्माले बताउनुभयो ।

साे अवसरमा ब्रह्मकुमारी इश्वरीय विश्वविद्यालयकी प्रमुख कमला दिदि ,घनलाल बस्याल,नारी जागृति समुहका अध्यक्ष पुष्पा सापकोटा लगायतले बाेल्नुभएको थियो ।

पुराण प्रवचन अवधिमा पितृ उद्वारका लागि  दीप प्रज्जवलन, कलश पुजन, तुला दान, भुमि दान, गो दान, द्रव्यदान, वेद पारायण, रूद्राभिषेक , हवनात्मक यज्ञ , पञ्चदेवोपासना, सन्त महात्मा ,विद्वान सम्मेलन र आशिर्वचन समेत हुने धामका प्रेस सल्लाहकार कपिल ज्ञवालीले बताउनु भयो ।

अनुष्ठानमा सहभागी हुन सबैलाई धामले हार्दिक अपिल गरेको छ । अनुष्ठानको तयारी स्वरूप हिजो पूर्वाङ्ग पूजा गरिएको थियो ।

कल्पना डुम्रे

लेखकबाट थप

• आइतवार, माघ २२ २०७९०५:३१:५४

• Tags:

  # अनुष्ठान # भविष्य पुराण अनुष्ठान # श्रीमद्भभागवत पुराण प्रवचन # स्वामिनारायण मुक्तिनाथ धाम

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा