बुटवल, माघ १४ ।

नेकपा एकिकृत समाजवादीका सचिवालय सदस्य घनश्याम भुसालले २१ औं शताब्दिको पार्टी बनाउने बताएका छन् । नेकपा एकिकृत समाजवादी रुपन्देहीले शनिबार बुटवलमा गरेको स्वागत तथा अन्तरक्रिया कार्यक्रमलाई सम्बोधन गर्दै भुसालले विचार, सिद्धान्त र मुद्धाका आधारमा जनतालाई गोलबद्ध गर्दै कम्यूनिष्ट पार्टी निर्माणमा जुट्ने बताएका हुन् । 

उनले नेकपा एकिकृत समाजवादी पार्टीले नवौं महाधिवेशनले पारित गरेको नीति विचार र सिद्धान्तलाई अंगिकार गरेकाले आफू पनि समाहित भएको बताए । उनले समाजवादी पार्टीको आफ्नै परिचय सहित स्थापित हुने बताए । उनले समाजवादी तत्तकाल कोही कसैसँग ढल्कने, टाँसिने गरि अगाडि नबढने स्पष्ट पारे ।

उनले माघ २१ र २२ गते हुने केन्द्रीय कमिटिको बैठकले महत्वपूर्ण निर्णय गर्ने बताए । नेता भुसालले वामदेव गौतम र भिम रावललाई समाजवादीमा ल्याउन वार्ता भइरहेको बताए । 

उनले अब मूलुकमा वाम धुव्रीकरणको आवश्यकता रहेको बताउँदै त्यसको नेतृत्व नेकपा एकिकृत समाजवादीले गर्ने बताए । नेकपा एकिकृत समाजवादीमा समाहित भएपछि पहिलोपटक गृहजिल्ला रुपन्देही आएका भुसालले अब पार्टी निर्माणलाई गती दिन कार्यकर्तालाई आग्रह समेत गरे ।

कार्यक्रममा नेकपा एकिकृत समाजवादीका केन्द्रिय सल्लाहकार रामचन्द्र भट्टराई,केन्द्रीय सदस्य एंव रुपन्देही इन्चार्ज राजु गुरुङ, अर्का केन्द्रीय सदस्य सिद्धिचरण भट्टराईले कम्यूनिष्ट विचारमा प्रष्ट र प्रखर भुसालको आगमनले उत्साह थपेको बताउँदै अब कम्यूनिष्ट पार्टी निर्माण हुने विश्वास व्यक्त गरे ।

कार्यक्रम पार्टी जिल्ला अध्यक्ष अविराम विश्वकर्माको अध्यक्षता, उपसचिव थानेश्वर खरेलको सञ्चालनमा सम्पन्न भएको जिल्ला सचिवालय सदस्य लाेकराज शर्माले नागरिक अनलाइनलाई जानकारी दिए ।

नागरिक अनलाइन

लेखकबाट थप

• शनिवार, माघ १४ २०७९०७:१५:०२

• Tags:

  # घनश्याम भुसाल # नेकपा एकिकृत समाजवादी

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा