बुटवल,माघ १३ ।

बुटवल उद्योग वाणिज्य संघ रुपन्देहीले प्रेमप्रसाद आचार्यको आत्मदाह लगायतका प्रकाशमा आएका घटना प्रतिनीधिमुलक घटना भएको बताएको छ ।

संघले शुक्रबार एक प्रेस विज्ञप्ती जारी गरी प्रेमप्रसाद लगायतका घटनाले समग्र निजी क्षेत्रलाई मर्माहित र गम्भीर बनाएको बताएको हो । संघका अध्यक्ष उज्ज्वलप्रसाद कसजू र महासचिव बिमलराज भट्टराईद्वारा हस्ताक्षरित विज्ञप्तीमा अविलम्ब व्यवसायिक वातावरण सुधारको सम्बोधनका लागि जोडदार मागगरिएको छ ।

मुलुकको कुल ग्राहस्थ उत्पादनमा ७० प्रतिशत भन्दा बढीको योगदान गरेको निजी क्षेत्रलाई प्रवद्र्धन र संरक्षण गर्नुको साटो राजस्व संकलनको माध्यम मात्रै ठानेको भनिएको छ ।

ईलामका व्यवसायी प्रेमप्रसाद आचार्यले सामाजिक सञ्जालमा गम्भीर प्रश्नहरु उठान गरी यहि माघ १० गते संघीय संसद भवन अगाडि आत्मदाहको प्रयास गर्नु भएको थियो ।

प्रहरीले उद्धार गरी उहाँको उपचारका क्रममा माघ ११ गते विहान निधन भएको थियो । संघले जारी गरेको विज्ञप्तीमा यस अगाडि विराटनगर, लाहान, पर्सा, नेपालगञ्ज र केही महिना अगाडि बुटवलमा पनि यस्तै घटना भएको उल्लेख गरिएको छ ।

यस्ता घटना दोहोरिन नदिन देशमा उद्योग व्यवसाय सञ्चालन गर्ने बातावरण सिर्जना गर्न सरकारसँग अनुरोध गरिएको छ ।

नागरिक अनलाइन

लेखकबाट थप

• शुक्रवार, माघ १३ २०७९०७:५१:३६

• Tags:

  # बुटवल उद्योग वाणिज्य संघ

• एमाले रूपन्देही जिल्ला कमिटी सचिवालय सदस्य नकुल शाहीले छाडे पार्टी

• होटल पौवाद्वारा प्रधानमन्त्री दैवी प्रकोप उद्धार कोषमा ११ लाख रुपैयाँ सहयोग

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग